U krainy Bałtyi — Łatviju, Litvu i Estoniju — z 1 krasavika spynienyja pastaŭki rasiejskaha hazu, paviedamiŭ łatvijskamu partału LSM.iv u niadzielu, 3 krasavika, staršynia praŭleńnia łatvijskaha hazavaha apieratara Conexus Baltic Grid Ułdzis Barys.
«Choć sumnievy ŭ tym, što na rasiejskija pastaŭki možna spadziavacca, užo byli, hetyja padziei jasna pakazvajuć, što z punktu hledžańnia biaśpieki nijakaj upeŭnienaści bolš niama», — skazaŭ Barys. Pavodle jaho słoŭ, ciapier adnaznačna nieabchodna «vyrašać pytańnie ab budaŭnictvie druhoha SPH-terminała, i čym chutčej, tym lepš».
Sa słoŭ kiraŭnika Conexus, ciapier pastaŭki hazu ŭ krainy Bałtyi iduć z Kłajpiedskaha terminała zvadkavanaha hazu (Litva) i Inčukałnskaha hazaschoviščy (Łatvija). Barys miarkuje, što pryčyn chvalavacca niama: u Inčukałnskim hazaschoviščy nietypova šmat hazu dla hetaha pieryjadu — 7,6 teravat-hadzin — amal stolki ž, kolki Łatvija i Litva spažyvajuć u zimovyja miesiacy, adznačyŭ jon.
