Fota: BBC Food
Kab pryhatavać tart taten, vam spatrebicca:
- 10—12 štuk sałodkich jabłykaŭ
- 3 stałovyja łyžki vady
- 100 hramaŭ cukru (lepiej uziać drobny cukar)
- 60 hramaŭ chałodnaha masła, jakoje treba narezać kubikami + 30 hramaŭ rastoplenaha masła
- 300 hramaŭ słajonaha ciesta
- Raskačajcie ciesta da taŭščyni 3 milimietry i vyražcie ź jaho kruh trochi bolšy za formu dla vypiakańnia (patrebnaja forma dyjamietram 20 santymietraŭ). Prakalicie ciesta videlcam i pamiaścicie jaho ŭ maraziłku.
- Razahrejcie duchoŭku da 180 hradusaŭ.
- Razrežcie jabłyki na pałovy ŭzdoŭž ich daŭžyni, prybiarycie ź jabłykaŭ skuru i nasieńnie.
- Vylijcie vadu na dno formy i vysypcie tudy cukar. Pakińcie formu na dźvie chviliny, pakul cukar nie ŭbiare vadu.
- Na siarednim ahni hatujcie sirop u formie, pakul jon nie atrymaje koler blednaj karamieli. Sačycie za tym, kab u siropie nie było asadku i kab jon nie nabyŭ zanadta ciomny koler, bo tady pach ad siropu budzie macniejšy, čym ad jabłykaŭ. Dadajcie parublenaje kubikami masła — heta zrobić smak tarta bolš bahatym. Pieramiašajcie.
- Raźmiarkujcie jabłyki pa formie: pačynajcie ź jaje bakoŭ, a potym pakładzicie ŭ centry reštki jabłykaŭ. Važna raźmiaścić ich u formie jak maha bolš ščylna, kali treba, pryciskajcie jabłyki rukami.
- Zmažcie jabłyki rastoplenym masłam i pastaŭcie formu na blachu. Vypiakajcie jabłyki ŭ duchoŭcy 30 chvilin.
- Dastańcie formu i pakładzicie na jabłyki źvierchu zamarožanaje ciesta. Zahnicie krai ciesta ŭnutr u formu, i nakalicie ciesta vostrym nažom, kab padčas pryhatavańnia vychodziła para.
- Pamiaścicie budučy tart u duchoŭku jašče na 40-45 chvilin ci pakul ciesta nie stanie chrumstkim i załatym.
- Astudžvajcie ciesta pry chatniaj tempieratury na praciahu hadziny, a potym pieraviarnicie formu i pakładzicie tart na bluda. U vyniku ciesta pavinna akazacca ŭnizie tarta. Padavajcie jaho ciopłym ci razahrejcie tart pierad padačaj.
Recept na vychodnyja: zapiečanaja indyčka ź limonam i časnykom
Recept na vychadnyja. Pasta bolognese. Makarona z kłasičnym bałonskim sousam
«Naša Niva» adnaŭlaje zbor danataŭ — padtrymać prosta
2
0
0
1
0
0