Paškodžany aŭtamabil sudździ ŭ Barysaŭskim rajonie
Fihurantaŭ spravy vinavaciać pa šaści artykułach. U zaležnaści ad roli kožnaha, im u roznym spałučeńni inkryminavanyja:
— aktyŭny ŭdzieł u akcyjach pratestu 30 žniŭnia, 6 i 20 vieraśnia 2020 hoda (č. 1 art. 342 KK, maksimalnaje pakarańnie — čatyry hady kałonii);
— udzieł u terarystyčnaj arhanizacyi (č. 2 art. 290-4 KK — da dziesiaci hadoŭ pazbaŭleńnia voli sa štrafam);
— hvałt u dačynieńni da dziaržaŭnych i hramadskich dziejačaŭ u Minsku i Barysavie z 13 lutaha pa 24 maja 2021 hoda, kab upłyvać na ich rašeńni i «destabilizavać hramadski paradak» (č. 1 art. 359 KK — da 15 hadoŭ kałonii);
— naŭmysnaje paškodžańnie majomaści čaćviarych hramadzian (č. 1 art. 218 KK, maksimalnaje pakarańnie — abmiežavańnie voli da dvuch hadoŭ);
— raspalvańnie sacyjalnaj varožaści i varožaści pa prykmiecie prynaležnaści ŭ hrupie asob (č. 3 art. 130 KK — da 12 hadoŭ kałonii);
— publičnyja zakliki da zachopu dziaržaŭnaj ŭłady, hvałtoŭnaha źmianieńnia kanstytucyjnaha ładu, teraryzmu i inšym dziejańniam, nakiravanym na pryčynieńnie škody nacyjanalnaj biaśpiecy Biełarusi (č. 1 art. 361 KK — pazbaŭleńnie voli na termin da šaści hadoŭ).
Mieru strymańnia ŭsim fihurantam pakinuli bieź źmienaŭ — suda jany buduć čakać pad vartaj.