Fota: AP
Takija źviestki pryvodziacca na sajcie ahienctva AAN pa spravach uciekačoŭ na 9 krasavika.
Bolšaść ź ich vyjechali ŭ Polšču — heta bolš za 2,5 młn čałaviek. Zvyš 671 tysiačy čałaviek adpravilisia ŭ Rumyniju, 413 tysiač — u Vienhryju, 406 tysiačy čałaviek — u Małdovu, 373 tysiačy — u Rasiju, 307 tysiač — u Słavakiju i 19 tysiač — u Biełaruś.
Na pačatak 2022 hoda na terytoryi Ukrainy pražyvaŭ 41 miljon čałaviek.
Viarchoŭny kamisar AAN pa spravach uciekačoŭ Filipa Hrandzi raniej nazvaŭ chvalu ŭciekačoŭ z Ukrainy «samym maštabnym kryzisam z uciekačami ŭ Jeŭropie z časoŭ Druhoj suśvietnaj vajny».
Z pačatku vajny Rasii suprać Ukrainy, pavodle źviestak Upraŭleńnia viarchoŭnaha kamisara AAN pa pravach čałavieka, va Ukrainie zahinuli 1626 čałaviek, ranieńni atrymali 2267.
