Rajon u Kijevie, paciarpieły ad vajny. Fota: AR.
Štodzionnaja spravazdača vajskovaha analityčnaha centra, a taksama infarmacyja Ministerstva abarony Vialikabrytanii i inšych naziralnikaŭ, jakija ŭvažliva sočać za vajnoj va Ukrainie, paćviardžajuć, što pośpiechi Rasii na froncie amal nie adznačalisia ciaham apošnich dzion.
Uładzimir Pucin chacieŭ pradać nastup na ŭschodzie Ukrainy jak pośpiech, ale na hety momant nie padobna, što jaho vojski zmohuć dasiahnuć pastaŭlenych metaŭ.
Pavodle źviestak Pientahona, rasijskija padraździaleńni, vyviedzienyja z poŭnačy, znachodziacca ŭ horšym stanie, čym čakali ZŠA.
Vialikija straty vopytnych i dobra vyškalenych sałdat nie mohuć być tak lohka papoŭnienyja, a straty ciažkaj vajskovaj techniki ciapier na rasijskim baku nastolki vialikija, što adnaŭleńnie zapasaŭ, imavierna, zojmie hady.
«Dalejšyja rasijskija ataki na ŭschodzie Ukrainy nie prynieśli nijakich terytaryjalnych zavajoŭ za apošnija 24 hadziny», — havorycca ŭ apošnim dakładzie amierykanskaha Instytuta vajskovych daśledavańniaŭ. Praŭda, Rasija adnaviła suchaputnyja ataki na apošni apłot ukraincaŭ u Maryupali, jaki achoplivaje terytoryi Pryazoŭskaj niziny, ale bieź vidavočnaha pośpiechu.
Štodzionnaja spravazdača vajskovaha analityčnaha centra, a taksama infarmacyja Ministerstva abarony Vialikabrytanii i inšych naziralnikaŭ, jakija ŭvažliva sočać za vajnoj va Ukrainie, paćviardžajuć, što pazicyi Rasii na froncie amal nie źmianilisia za apošnija niekalki dzion. Vialiki rasijski nastup na ŭschodzie zahruz jašče da taho, jak pačaŭsia.
Rasija ciapier skancentravanaja na niekalkich bajavych zonach: na paŭnočnym uschodzie rasijanie sprabujuć pašyryć terytoryju rajonaŭ Łuhanskaj i Danieckaj abłaściej, častkova akupavanych z 2014 hoda. Hetyja ruchi taksama ŭklučajuć napad na Charkaŭ i Izium z poŭnačy.
Ruskija sprabujuć całkam zaniać Maryupal, kab mieć mahčymaść vykarystoŭvać zadziejničanyja tam vojski ŭ inšym miescy. Na poŭdni Ukrainy Maskva sprabuje praciahvać strymlivać ukrainski kontrnastup u napramku Chiersona.
Zdavałasia b, front z dnia ŭ dzień ruchajecca ŭ toj ci inšy bok, ale rasijanie da hetaha času nie zrabili nijakich vyrašalnych praryvaŭ. Adnak pra toje, nakolki žorstkija bai viaducca, śviedčyć znoŭ uzrosłaja kolkaść achviar siarod rasijskich vajskoŭcaŭ (mała što viadoma z ahulnadastupnych krynic pra straty Ukrainy).
Pavodle źviestak Ukrainy, usiaho za dva dni kolkaść źniščanych rasijskich tankaŭ pavialičyłasia na 50%, pra što piša ŭ Twitter ekśpiert pa stratehii Filips O'Brajen z Univiersiteta Sent-Endrusa.
Adnak nasamreč Rasija pavinna mieć vidavočnuju pieravahu na svaim baku ŭ hetaj novaj fazie vajny. «Kolkaść ludziej i rašučaść kinuć vojski i padraździaleńni ŭ hety boj na rasijskim baku», — cytuje amierykanskaha čynoŭnika Washington Post.
Adnak toje, što jość u ukraincaŭ, «heta vielmi hnutki styl kiraŭnictva i taktyka», adznačaje surazmoŭca haziety. I dadaje, što kamandziry nievialikich padraździaleńniaŭ majuć značna bolšyja paŭnamoctvy pa pryniaćci rašeńniaŭ u paraŭnańni z rasijskim bokam. U ich taksama jość «maral i viedańnie miascovaści».
Naziralniki miarkujuć, što «pierahrupoŭka» rasijskich uzbrojenych siłaŭ, to-bok advod vojska z poŭnačy Ukrainy i z vakolic Kijeva dy kancentravańnie vojskaŭ na ŭschodzie, była nakiravanaja na dasiahnieńnie pieramohi napiaredadni tradycyjnaha rasijskaha śviatkavańnia 9 traŭnia.
Prezident Rasii Uładzimir Pucin chacieŭ pradać nastup na ŭschodzie Ukrainy jak pośpiech, ale na dadzieny momant nie padobna, kab jaho vojski zmahli dasiahnuć pastaŭlenych metaŭ. Pavodle źviestak Pientahona, rasijskija padraździaleńni, vyviedzienyja z poŭnačy, znachodziacca «ŭ horšym stanie, čym čakali ZŠA».
«Ruskija pierahrupujucca z drenna dahledžanym i niemadernizavanym abstalavańniem», — skazaŭ amierykanski čynoŭnik. Naprykład, u niekatorych tankaŭ jość kiroŭca, ale niama ekipažu. U mnohich padraździaleńniach nie chapaje piersanału, niedaŭkamplektavanaść dasiahaje 30%
«Miascovaść u Danbasie ź mienš urbanizavanymi rajonami bolš padychodzić dla viadzieńnia nastupleńnia, što pavinna dazvolić rasijskaj armii vykarystoŭvać jaje pieravahi, takija jak kolkasnaja pieravaha ŭ braniatechnicy i artyleryi», — skazaŭ u intervju Li. Adnak z-za vysokich strataŭ u ludziach i abstalavańni moža być užo zanadta pozna, kab Rasija mahła efiektyŭna vykarystoŭvać svaje pieravahi.
U paraŭnańni z mnohimi krainami NATA rasijskija suchaputnyja vojski majuć bolš vysokuju dolu artyleryjskich i dapamožnych padraździaleńniaŭ, ale zatoje mienš mabilnych miechanizavanych padraździaleńniaŭ.
Adnak u vypadku z Rasijaj hetyja bolš mabilnyja bajavyja hrupy, takija jak atrady śpiecyjalnaha pryznačeńnia abo pavietrana-desantnyja padraździaleńni, mieli b značeńnie dla vajny za Danbas, kali b jany nie paciarpieli asabliva mocna na pieršym etapie vajny. «Adsutnaść lohkaj piachoty ŭ Rasii — jaje vidavočnaja słabaść», — śćviardžaje Li. «Jość śviedčańni taho, što mnohija bataljonnyja bajavyja hrupy prybyli z Ukrainy z pamienšanaj bajazdolnaściu», — dadaje jon.
Pa słovach Roba Li, atakujučy bok zvyčajna sprabuje ŭstalavać kolkasnuju pieravahu takim čynam, kab na adnaho sałdata vojskaŭ praciŭnika prychodziłasia kala troch atakujučych. Adnak Rasija ŭžo nie ŭ stanie damahčysia takoj pieravahi i, za vyklučeńniem niekatorych situacyj, jakija ŭźnikajuć łakalna na froncie, pavinna spadziavacca na horš padrychtavanaje apałčeńnie z tak zvanych «Łuhanskaj i Danieckaj narodnych respublik». «Ale heta nie recept chutkaha pierałomu, i ŭkrainskija vajskoŭcy pakazali, što jany zdolnyja, kreatyŭnyja i dobra kiravanyja», — skazaŭ Li: «Chutčej za ŭsio, lubaja ruskaja zdabyča budzie pavolnaj i darahoj».
Tym bolš što Ukraina moža dazvolić sabie praciah kanfliktu, a značyć, u vypadku nieabchodnaści ŭkraincy mahli b pryniać nievialikija taktyčnyja adstupleńni dla ŭtrymańnia ŭłasnych siłaŭ i dla dalejšaha źniščeńnia rasijskich vajskoŭcaŭ. Hetak ža, jak rabili heta na poŭnačy. «Kali Ukraina stracić terytoryju, ale ŭsio ž zmoža nanieści rasijskim vajskoŭcam bolš strataŭ, čym zaznaje sama, heta možna ličyć za pośpiech», — skazaŭ Li.
Zaciažnaja vajna na źniasileńnie moža zanadta doraha kaštavać dla rasijskaj armii. Tym bolš što straty ŭ pieršyja tydni novaha nastupu vyhladajuć niemałymi. «Kali ŭkrainskija acenki rasijskich strataŭ choć by trochi dakładnyja, to rasijanie zanadta chutka hublajuć ułasnyja padraździaleńni, kab zabiaśpiečyć sabie dosyć vialikija siły dla praryvu na Danbasie», — zajaviŭ, u svaju čarhu, ekśpiert pa stratehii O'Brajen.
U lubym vypadku amierykanski bok usio čaściej čuje, što ŭkraincy sapraŭdy mahli b vyjhrać hetuju vajnu, kali b jany atrymali adpaviedny ryštunak z Zachadu i zachavali raniejšuju hnutkaść, zdolnaść vučycca i nastojlivaść.
«Pieršym krokam da pieramohi źjaŭlajecca viera ŭ toje, što možna pieramahčy», — zajaviŭ ministr abarony ZŠA Łojd Ościn padčas vizitu ŭ Kijeŭ u paniadziełak. I va Ukrainy jość hetaja viera va ŭłasnuju pieramohu.
Mnohija ekśpierty ŭpeŭnienyja, što Rasija ciapier kidaje svaje apošnija siły ŭ vajnu va Ukrainie. A značyć, kali b rasijskaje vojska było razhromlena na ŭschodzie, heta mahło b istotna padarvać bajazdolnaść Rasii na praciahły čas.
Vialikija straty vopytnych i dobra navučanych sałdat niemahčyma lohka papoŭnić, a straty ciažkaj vajennaj techniki ciapier na rasijskim baku nastolki vialikija, što papaŭnieńnie zapasaŭ, vierahodna, zojmie hady.
U suviazi z vysokimi rasijskimi stratami ministr abarony ZŠA taksama sfarmulavaŭ nastupnyja mety Zachadu: «My chočam bačyć Rasiju sasłablenaj da takoj stupieni, što takija rečy, jak uvarvańnie va Ukrainu, nie zmohuć paŭtarycca». Rasija ŭžo «straciła šmat sałdat i nie zdolnaja chutka ich zamianić».
Zavajavaŭšy Ukrainu, Pucin chacieŭ adradzić Rasijskuju Impieryju. Adnak kali Ukrainie ŭdasca supraćstajać ruskim na ŭschodzie krainy, Rasieja moža apynucca nie tolki palityčna i ekanamična izalavanaj ad śvietu, ale i z vojskam, bajazdolnaść jakoha, imavierna, budzie ź ciaham času źmianšacca.
