Fota: Artur Hryharan / Vajar 

Fota: Artur Hryharan / Vajar 

Havorka pra inicyjatyvu «Sajuz maci». Jana źjaviłasia ŭ pieršyja dni vajny va Ukrainie. Pieršapačatkovaj metaj było sabrać adnadumcaŭ i dapamahčy im abaranić svaich dziaciej.

«U nas sajuz maci Rasii, Biełarusi i Ukrainy, tamu što my chočam padkreślić, što my suprać padziełu, suprać taho, kab nas rabili vorahami, i my ŭsie suprać hetaj žudasnaj vajny. Ale, kaniečnie, mamy ź Biełarusi i Rasii zusim u inšaj situacyi: my pavinny spynić našych dziaciej ad udziełu ŭ hetych žudasnych zabojstvach ukrainskich matul i ich dziaciej», — tłumačać aktyvistki, jakija pažadali zastacca ananimnymi ŭ metach biaśpieki. 

Ilustracyjnaje fota. Krynica: t.me/souzmaterey

Ilustracyjnaje fota. Krynica: t.me/souzmaterey

Paśla pačatku vajny žančyny telefanavali biełaruskim vajskoŭcam i prasili nie brać udzieł u vajskovych dziejańniach. Bazu numaroŭ jany atrymali ad biełaruskich kibierpartyzanaŭ.

«My sabralisia hrupaj samych aktyŭnych maci, jakim daviarajem, i zładzili abtelefanoŭvańnie — znajomy dapamoh zrabić heta tak, kab nie było bačnaje ID taho, chto telefanuje. U niejki momant my zrazumieli, što nie spraŭlajemsia svaimi siłami, bo baza vialikaja. Tady my zapisali hołas, i naš siabar dapamoh zładzić dalejšaje abtelefanoŭvańnie ŭ aŭtamatyčnym farmacie. Ën ža dapamoh z SMS-rassyłkaj pa numarach», — raskazvajuć žančyny.

Kali jany zvanili sami, to ich dasłuchvali da kanca, nie pierabivajučy. Z aŭtamatyčnymi prazvonami było krychu horš, ale bolšuju častku zapisu taksama słuchali da kanca.

«Paśla zvyčajna razmova prosta zakančvałasia. Časam mahli na tym kancy suviazi vyłajacca matam: «Oj, ***, što heta takoje?»

Inicyjatyva ładziła taksama inšyja akcyi.

«Našy mamy vychodzili na pratesnuju malitvu suprać vajny ŭ Minsku — ich navat zatrymali ŭ carkvie. Na Vialikdzień žančyny damovilisia ź niekatorymi śviatarami i napisali razam malitvu za mir. Śviatary na Vialikdzień hetuju malitvu čytali i arhanizoŭvali šeści ŭnutry vielikodnaha chodu sa stužkami i bukletami, što napaminajuć pra žachi vajny», — kažuć žančyny.

Malitva za mir, jakaja prachodziła ŭ Kafiedralnym sabory Minska 3 sakavika

Malitva za mir, jakaja prachodziła ŭ Kafiedralnym sabory Minska 3 sakavika

«Sajuz maci» taksama tłumačyć žančynam, jak abaranić dziaciej u škole ad prapahandy, stvaraje instrukcyi dla pryzyŭnikoŭ.

Aktyvistki kažuć, što kudy bolš składanaja zadača — dapamahčy maci z Rasii, čyje dzieci ŭžo na vajnie. I tłumačać, čamu nie ličać nianaviść kanstruktyŭnaj.

«My zmožam dapamahčy im, tolki kali pakažam, što my na ich baku, što im jość kudy pryjści sa svaimi strachami i horam, aproč jak u rasijskija dziaržstruktury, jakim na ich plavać.

Vy bačyli toje fota, dzie dźvie aptečki — ukrainskaha sałdata i ruskaha? Heta žudasna, heta vydatna demanstruje, što ruskija dzieci dla Rasii — prosta harmatnaje miasa. Jak pryniać heta, kali ŭsio žyćcio pa televizary tabie kazali inšaje? Jak pryniać heta, kali tvoj muž, moža, pje i bje ciabie, kali hrošaj brakuje, kali ŭsia adkaznaść za siamju na tabie? A potym pačynajecca vajna — i tvajo dzicia stała zabojcaj, a ty ž chacieła vyhadavać jaho dobrym čałaviekam. Usia vaša kraina — ahresar!

Psichika da apošniaha heta admaŭlaje, jašče i prapahanda dapamahaje nie zadavać sabie niazručnyja pytańni. I my nie dapamožam hetym maci pryniać realnaść, kali budziem nienavidzieć ich. My dapamožam im, kali dadzim im pačućcio, što jany nie adny». 

U budučyni aktyvistki chočuć arhanizavać fond dapamohi maci i ich dzieciam: nie tolki ŭkrainskim, ale i biełaruskim, ruskim.

«Być maci — heta ŭžo vyklik, asabliva ŭ našych krainach. A być maci padčas vajny — vyklik udvaja. Naša stratehija ŭ tym, kab abjadnać matul, dać im hołas i moc upłyvać na padziei».

Čytajcie taksama:

Pradstaŭnica kibierpartyzanaŭ raskazała kolki ich i raskryła detali apieracyj. U tym liku na čyhuncy

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?