Fota: Ministerstva abarony Biełarusi
Zhadvajučy sumnuju praktyku apošniaha času, ekśpiert adznačaje:
«Raptoŭnyja pravierki vyklikajuć abhruntavanyja aściarohi. Nahadaju, što 18 studzienia 2022 h. na terytoryi Biełarusi taksama pačałasia raptoŭnaja pravierka — siłaŭ reahavańnia tak zvanaj Sajuznaj dziaržavy. Čym jana skončyłasia — viadoma.
Jak i tady, ciapier nie paviedamlajecca pra skład siłaŭ, jakija praviarajucca. Jak i ŭsie surjoznyja pieramiaščeńni biełaruskich vojskaŭ z 2020 hoda, biahučaja pravierka, skažam tak, jak minimum uzhodnienaja z Pucinym i pačałasia paśla telefonnaj razmovy ź im Łukašenki 3 maja».
Prytym sam fakt pravierki, navat kali joj usio i abmiažujecca, na dumku Lebiadka, vyhadny i Łukašenku, i Pucinu:
«Łukašenka moža vykarystoŭvać pravierku dla cisku na krainy Zachadu ŭ metach viartańnia da dyjałohu i da t. p. (jak u minułyja hady), choć ciapier heta prablemna.
Dla Pucina takaja pravierka vyhadnaja tym, što znoŭ stvaraje niekatoraje dadatkovaje napružańnie dla ŭkraincaŭ. Razam ź infarmacyjaj pa Małdovie i ŭkidach pra abviaščeńnie Rasijaj vajny Ukrainie 9 maja heta vymusić USU častkova adciahnuć uvahu i, mahčyma, siły ad danbaskaha napramku. Taksama heta dadatkovaje napružańnie dla krain Bałtyi i NATA».
A što budzie, kali čutki paćvierdziacca i Rasija nieŭzabavie aficyjna abvieścić vajnu Ukrainie?
«U vypadku realnaha abviaščeńnia vajny Rasijaj, a zroblena heta budzie chutčej za ŭsio pad začepkaj napadu Ukrainy (avijanalot, udar rakietami, pastaŭlenymi krainami NATA i da t. p. pa terytoryi RF),
Biełaruś u ramkach vajennaj daktryny Sajuznaj dziaržavy budzie razhladać taki «napad» jak zamach na Sajuznuju dziaržavu ŭ cełym i budzie pradprymać adpaviednyja miery ŭ adkaz z vykarystańniem usich siłaŭ i srodkaŭ, jakija znachodziacca ŭ rasparadžeńni.
Taksama i z ADKB, dzie takaja «ahresija» budzie ŭspryniataja jak i suprać Biełarusi, tamu pa prośbie Rasii Biełaruś nieadkładna nadaść joj nieabchodnuju dapamohu, uklučajučy vajennuju».
Ekśpiert pieraličvaje šerah važnych mierapryjemstvaŭ apošniaha času, jakija śviedčać pra zakłapočanaść biełaruskich uładaŭ uzmacnieńniem bajazdolnaści biełaruskaha vojska i ŭ kancy robić vysnovu:
«Maj nie samy ščaślivy pieryjad dla bajavych dziejańniaŭ, z pryčyny taho, što demabilizujucca vajskoŭcy terminovaj słužby, a tolki pryzvanyja jašče i prysiahu nie pryniali.
Ale ŭ vypadku mabilizacyi, uviadzieńnia vajennaha stanovišča abo z nadychodam vajennaha času tyja, chto padlahaje demabilizacyi z terminovaj słužby, adrazu praciahvajuć słužbu pa mabilizacyi».
Čytajcie taksama:
Va Uzbrojenych Siłach Biełarusi pačałasia raptoŭnaja pravierka bojehatoŭnaści. Na darohach źjaviacca kałony
