Pa słovach prakurora, «takija pavodziny čałavieka, jaki pradstaŭlaje Biełaruś na mižnarodnaj arenie, prosta niedapuščalnyja».
Da materyjałaŭ spravy byli dałučanyja fotazdymki z maršaŭ. Taksama viadoma, što ŭ Viktara kanfiskavany kubačak z nadpisam «dla čaju z malinavym vareńniem».
Dziaržabvinavaŭca prosić spahnać ź Fienčuka 196 tysiač rubloŭ na karyść «Minsktransa».
Viktar — prafiesijny arnitołah, kaardynatar prahram Frankfurckaj zaałahičnaj supolnaści i arhanizacyi «Achova ptušak baćkaŭščyny». Uznačalvaŭ apošniuju z 2007 pa 2014 hod, zatym byŭ jaje supracoŭnikam.
Jaho nazyvajuć «advakatam dzikaj pryrody». Jon kiravaŭ maštabnymi prajektami pa vyvučeńni, zachavańni i ŭznaŭleńni pryrodnych ekasistem.
Prahramu pa zachavańni dzikaj pryrody Paleśsia ŭ Minsku APB adkryvała sumiesna z Kiembrydžskim univiersitetam.
