Fota - AR
Malunak Pabła Pikasa znajšli irackija palicyjanty padčas pieratrusu ŭ horadzie za 95 kiłamietraŭ ad Bahdadu. Pra heta paviedamlaje navinovaja ahiencyja AR. Palicyjanty taksama aryštavali padazravanaha, jaki sprabavaŭ pradać karcinu za kolki tysiačaŭ dalaraŭ, darma što sapraŭdny košt tvoru mastactva našmat bolšy — niekalki miljonaŭ.
Malunak «Aholenaja žančyna» byŭ peŭna adnym z tvoraŭ mastactva zachoplenych irackimi vajskoŭcami padčas uvarvańnia ŭ Kiuviejt u 1990 hodzie. Na malunku staić aŭtohraf Pikasa, a zboč krasujecca nadpis «Muziej Kiuviejta».
Presavy sakratar irackaje palicyi Mutna Chalid, paviedamlaje, što pieratrus adbyŭsia ŭ adnym z damoŭ u hałoŭnym horadzie šyitaŭ Chile, 95 kiłamietraŭ na poŭnač ad Bahdadu. Pavodle jahonych słovaŭ padazravany sprabavaŭ pradać karcinu za 450 tysiačaŭ dalaraŭ, ale znaŭcy acenvajuć tvor Pikasa ŭ 10 miljonaŭ.
Presavy sakratar dadaŭ, što malunak budzie pakul zachoŭvacca ŭ sutareńniach palicyi ŭ jakaści rečavaha dokaza. Pavodle irackaj słužby radyjo «Svaboda» aficyjny Bahdad maje płany viarnuć karcinu i inšyja kaštoŭnyja rečy Kiuviejtu, namahajučysia hetak ułahodzić pytańni skradzienaj majomaści padčas pieršaj vajny ŭ Piersidskaj zatocy. U Irakie spadziajucca, što heta ŭ svaju čarhu pasłabić sankcyja, jakija ŭvioŭ suprać jaho AAN jašče ŭ 1990 hodzie.
