U Baranavičach adkryli miemaryjał u honar zahinułych lotčykaŭ-hierojaŭ Biełarusi majora Andreja Ničyporčyka i lejtenanta Mikity Kukanienki. Adkryćcio miemaryjała prymierkavali da hadaviny trahiedyi. Udzieł u adkryćci ŭziaŭ ministr abarony Viktar Chrenin.
«Adkručvajučy nazad padziei taho dnia, analizujučy dziejańni Andreja i Mikity, ja nie raz zadavaŭsia pytańniem, a ci mahli jany pastupić inakš? Nie. Nie mahli. Jany zanadta mocna šanavali honar aficera i žyćcio ludziej, jakich jany abaraniali. Ich vybar — heta vybar hierojaŭ i sapraŭdnych mužčyn», — skazaŭ Viktar Chrenin.
19 maja 2021 hoda padčas vykanańnia vučebna-trenirovačnaha palotu raźbiŭsia samalot Jak-130 Lidskaj šturmavoj avijabazy. Lotčyki, kamandzir źviana vučebna-bajavoj eskadrylli 116-j šturmavoj avijacyjnaj bazy major Andrej Ničyporčyk i lejtenant Mikita Kukanienka, zahinuli.
Pavodle paviedamleńniaŭ Minabarony, jany vyjavili techničnuju niaspraŭnaść, i advodzili samalot ad nasielenaha punkta.
