Fota EPA
«13 maja ŭrad Matevuša Maravieckaha pryniaŭ rezalucyju ab razryvie pahadnieńnia pamiž uradam Polščy i ŭradam Rasijskaj Fiederacyi», — skazaŭ jon, padkreśliŭšy, što havorka idzie pra padpisanyja ŭ 1993 hodzie damoŭlenaści, jakija pryniata nazyvać jamalskimi. «Praz 30 hadoŭ možna kanstatavać, što adnosiny ŭ hazavaj halinie pamiž Polščaj i Rasijaj pierastajuć isnavać», — dadaŭ Naimski.
Adkazvajučy na pytańnie pra budučyniu polskaha ŭčastka hazapravoda «Jamał — Jeŭropa», pradstaŭnik polskaha ŭrada skazaŭ, što hety adrezak źjaŭlajecca ŭłasnaściu kampanii EuRoPol GAZ — sumiesnaha pradpryjemstva «Hazprama» i polskaj PGNiG, a apierataram hetaha ŭčastka źjaŭlajecca kampanija — apieratar polskaj sietki hazapravodaŭ Gaz-System.
Pa słovach Naimskaha, polski ŭčastak hazapravoda budzie vykarystoŭvacca dla transparciroŭki hazu pa terytoryi Polščy, a taksama zmoža słužyć dla adpraŭki hazu z Hiermanii ŭ Polšču.
