Wikimedia Commons
«Šmat chto havoryć, što my z Pucinym zabojcy. Ja daŭno kazaŭ, što sapraŭdy zabivaju. Ale ja zabivaju złačyncaŭ. Ja nie zabivaju dziaciej i starych», — skazaŭ Duterte na štotydniovaj televizijnaj sustrečy z klučavymi ministrami Filipinaŭ.
Duterte zaklikaŭ Pucina, jakoha znoŭ nazvaŭ siabram, i Rasiju spynić abstreły žyłych rajonaŭ va Ukrainie i dazvolić mirnym žycharam biaśpiečna evakujavacca. Jon nazvaŭ dziejańni Maskvy «poŭnamaštabnaj vajnoj suprać suvierennaj dziaržavy», padkreśliŭšy, zrešty, što Pucina za jaje nie asudžaje.
Na pačatku sakavika 2022 hoda Filipiny prahałasavali za rezalucyju Hienieralnaj Asamblei AAN, jakaja asudžaje rasijskaje ŭvarvańnie. Filipiny zaklikali abaranić cyvilnaje nasielnictva i hramadskuju infrastrukturu va Ukrainie. Duterte ŭstrymaŭsia ad rezkaj krytyki Pucina i zajaviŭ, što zachavaje niejtralitet u kanflikcie, nahadvaje «Radyjo Svaboda».
