Razburany most pamiž Sievieradanieckam i Lisičanskam
Hienštab USU taksama paviedamlaje pra sprobu nastupleńnia Rasii na Danbasie. Pry padtrymcy artyleryi i avijacyi rasijskija vojski nastupajuć u napramku Limana (u samaabvieščanaj «DNR» raniej kazali, što horad napałovu zachopleny, ale z aficyjnych krynic infarmacyi nie było).
Na Sievieradanieckim napramku nastupleńnie z padtrymkaj viadziecca na Sievieradanieck. Bajavyja dziejańni tam praciahvajucca.
«Ciapier ich zadača — akružyć našy vojski kala Sievieradaniecka, Lisičanska, błakavać trasu. Heta im moža dazvolić vyjści na administrycyjnyja miažy Łuhanskaj vobłaści. Našy vajskoŭcy tam trymajucca, Hienštab taksama praličvaje ŭsie mahčymyja ryzyki, kab nie dapuścić hetaha. U cełym, dziejańni rasijskaj armii śviedčać ab tym, što jany ažyćciaŭlajuć padrychtoŭku da praciahłaj vajennaj apieracyi», —— skazaŭ Alaksandr Matuzianik padčas nacyjanalnaha telemarafona.
Na Bachmuckim kirunku Rasija nastupaje ŭ rajonach Lipava i Biełahoraŭka. Pa Kramatorsku, Limanu i Słaviansku ŭ apošnija hadziny byli naniesienyja avijaŭdary, paviedamlaje USU.
Situacyja na froncie, pavodle Alaksandra Matuzianika, nadzvyčaj składanaja.
«Samaje haračaje — u Danieckim apieracyjnym rajonie i na Słavianskim napramku. Akupanty faktyčna kruhłasutačna bjuć artyleryjaj, avijacyjaj, abstrelvajuć žyłyja kvartały. Taksama Rasija ciapier šukaje novyja rubiažy — adkul i kudy jana moža nanosić rakietnyja ŭdary, u tym liku z terytoryi Biełarusi», — paviedamiŭ čynoŭnik Minaabarony.
Alaksandr Matuzianik zajaviŭ, što ciapier nazirajecca samaja aktyŭnaja faza poŭnamaštabnaj vajskovaj ahresii Rasiei.
