Murał u Kijevie. Fota: AR
U pieryjad z 30 sakavika pa 26 maja Niamieččyna zrabiła tolki dźvie pastaŭki zbroi Ukrainie. U krasaviku heta byli, u pryvatnaści, zapčastki da kulamiotaŭ, ručnyja hranaty, miny, vybuchovyja šnury, a ŭ mai ‒ 4600 supraćtankavych min.
Apošniaja pastaŭka supraćpavietranych kompleksaŭ «Strała» i hranatamiotaŭ Panzerfaust 3 była ździejśnienaja ŭ kancy sakavika, choć u krasaviku i ŭ mai Ukraina zapytvała heta i inšaje ŭzbrajeńnie, u tym liku supraćkarabielnyja rakiety.
28 maja ambasadar FRH va Ukrainie Anka Fieldhuzien zajaviła, što «ciažkaje ŭzbrajeńnie budzie vielmi chutka». Pavodle jaje słoŭ, havorka idzie ŭ tym liku pra haŭbicy, tanki Gepard i supraćpavietranuju zbroju. «Praces užo pajšoŭ», — zajaviła jana.
- Ukraina z pačatku vajny prosić u krain Zachadu pastavak u pieršuju čarhu ciažkaha ŭzbrajeńnia, nieabchodnaha dla efiektyŭnaha supraćstajańnia rasijskamu nastupu i ŭ pierśpiektyvie advajavańnia zaniataj rasijanami terytoryi. Krainy Zachadu bajacca, što heta budzie ŭspryniata Rasijaj jak dadatkovaja eskałacyja.
- Pa danych The New York Times, u kancy traŭnia prezident ZŠA Džon Bajden uchvaliŭ pastaŭki Ukrainie rakietnych sistem załpavaha ahniu.