«U suviazi ź niadaŭnimi značnymi hieapalityčnymi źmienami i kab paźbiehnuć ich niehatyŭnaha ŭpłyvu na ekspart kazachstanskaj nafty praz rasijskija party, z červienia 2022 hoda prymianiajecca nastupnaja nazva hatunku — KEBCO (Kazakhstan Export Blend Crude Oil)», — cytuje Reuters list kazachstanskaj kampanii «SNPS-Aktobiemunajhaz».
Pierajmienavańnie paćvierdzili jašče čatyry krynicy ahienctva ŭ naftavych kampanijach krainy. Pavodle ich, źmieny nabuduć moc z paniadziełka, 6 červienia.
«Heta nieabchodnaja miera, kab naša nafta nie trapiła pad sankcyi, a ŭ jaje naźvie vyrazna była ŭkazanaja kraina pachodžańnia ŭ dakumientach. U advarotnym vypadku ŭ nas buduć prablemy z adkryćciom akredytyvaŭ», — patłumačyła krynica Reuters.
Kala 20% ekspartavanaj kazachstanskaj nafty idzie tranzitam praz rasijskija marskija party.
I choć jana technična nie padpadaje pad zachodnija sankcyi, hetyja pastaŭki nieadnarazova pamyłkova prymali za rasijskija, kažuć kazachstanskija naftatrejdary.
Da ŭviadzieńnia sankcyj naftu, vyrablenuju ŭ Kazachstanie, źmiešvali z rasijskaj dla atrymańnia standartyzavanych ekspartnych hatunkaŭ — Rasijskaj ekspartnaj sumiesi syroj nafty (REBCO/Urals) i Siberian Light.
