«Kreml vykarystoŭvaje zapasy charčavańnia ŭ jakaści rakiety-nievidzimki suprać krain, jakija raźvivajucca. Dramatyčnyja nastupstvy vajny Rasii raspaŭsiudžvajucca pa ŭsim śviecie. A heta ŭźnimaje ceny na pradukty, šturchaje ludziej u haleču i destabilizuje cełyja rehijony. Rasija niasie poŭnuju adkaznaść za hety charčovy kryzis, tolki Rasija», — skazaŭ staršynia Jeŭrarady na pasiadžeńni Rady Biaśpieki AAN.
Mišel padkreśliŭ, što prablemy z charčavańniem abumoŭlenyja napadam Rasii na Ukrainu, błakavańniem partoŭ i ŭdarami pa transpartnaj infrastruktury.
«Mienavita rasijskija tanki, rasijskija bomby i miny pieraškadžajuć Ukrainie sadžać i źbirać uradžaj. Kreml taksama zajmajecca raskradańniem zbožža va Ukrainie, pierakładajučy vinu na inšych. Heta podła. Heta čystaja prapahanda. Davajcie piarojdziem da faktaŭ. ES nie maje sankcyj u dačynieńni da ahrarnaha siektara Rasii. Nul. I navat našy sankcyi ŭ dačynieńni da rasijskaha transpartnaha siektara nie vychodziać za miežy našych miežaŭ ES. Našy sankcyi nie pieraškadžajuć sudnam pad rasijskim ściaham pieravozić zbožža, charčavańnie abo ŭhnajeńni ŭ krainy, jakija raźvivajucca. ES, naadvarot, robić usio mahčymaje, kab dapamahčy ekspartu sielskahaspadarčaj pradukcyi Ukrainy i padtrymać ukrainski ahrapramysłovy kompleks u hetym siezonie», — skazaŭ Mišel.
Vital Niabienzia pakidaje zału
Na hetych słovach pradstaŭnik RF pry AAN Vasil Niabienzia pakinuŭ zału pasiadžeńniaŭ.
Kiraŭnik Jeŭrarady zajaviŭ ab padtrymcy namahańniaŭ Hienieralnaha sakratara AAN pa pošuku rašeńniaŭ dla adkryćcia marskich pastavak zbožža z Ukrainy.
Čytajcie taksama:
Bloomberg: Rasija i Turcyja papiarednie damovilisia ab razbłakavańni Čornaha mora, ale Ukraina nie zhodnaja z umovami
Prezident Litvy: Zbožža z Ukrainy nie moža iści praź Biełaruś, heta prosta niebiaśpiečna
Zialenski: Ukraina nie hatovaja razhladać varyjant ekspartu zbožža praź Biełaruś
