Fota: AP
«My hublajem štodnia da sotni našych bajcoŭ zabitymi i da 500 paranienymi. Kreml praciahvaje cisnuć masaj, buksuje, sutykajecca z mahutnym supracivam, niasie vielizarnyja straty. Ale pakul maje siły dla prasoŭvańnia na asobnych učastkach frontu», — zaznačaje Reźnikaŭ.
Jon taksama ahučyŭ, atrymańnia jakoj zbroi dalej budzie damahacca Ukraina.
— Kijeŭ choča atrymać značnuju kolkaść RSZA ŭzoru NATA i bojeprypasaŭ da ich;
— zabiaśpiečyć poŭnaje zamiaščeńnie niekatorych isnujučych kalibraŭ savieckaha ŭzoru (harmaty znošanyja, snarady nie vyrablajucca abo ich vielmi mała) na płatformy, jakija raspaŭsiudžanyja ŭ krainach NATA i zabiaśpiečanyja bojeprypasami;
— damovicca z partniorami ab pierachodzie da pastavak nie ŭ vyhladzie asobnych płatformaŭ, a ŭ vyhladzie cełasnych padraździaleńniaŭ, jakija adrazu hatovyja da vykanańnia bajavych zadač (organic unit). Heta značna pavysić efiektyŭnaść na poli boju;
— pryciahnuć sotni adzinak ciažkaj braniatechniki, bieź jakoj niemahčymaje efiektyŭnaje kontrnastupleńnie. «Pieravažna savieckaja technika sastareła i patrabuje pryviadzieńnia ŭ bajavy stan, a ad partnioraŭ my pakul atrymlivajem dastatkova lohkuju braniu, nie zaŭsiody sa zbrojaj», — rastłumačyŭ Reźnikaŭ.
Taksama Ukraina choča atrymać bajavyja samaloty i srodki SPA/SRA dla abarony nieba.
«My ŭžo atrymali ad partnioraŭ, nabyli na rynku, vyrabili i pieradali ŭzbrojenym siłam značnuju kolkaść zbroi. Jaje chapiła b dla pieramožnaj abarony ad luboj armii ŭ Jeŭropie. Ale nie ad Rasii. Ruski Mołach maje ŭ zapasie jašče šmat srodkaŭ dla pažyrańnia čałaviečych žyćciaŭ dziela zadavalnieńnia svajho impierskaha eha.
Tamu my padkreślivajem: Ukrainie mocna patrebnaje ciažkaje ŭzbrajeńnie, i vielmi chutka. My dakazali, što ŭ nas niama strachu pierad Kramlom, u adroźnieńnie ad mnohich inšych. Ale my jak kraina nie možam sabie dazvolić ściakać kryvioju, hublajučy našych najlepšych synoŭ i dačok».
Reźnikaŭ dadaŭ, što nie moža skazać, što zadavoleny tempami i kolkaściu pastavak zbroi, ale ŭdziačny krainam, jakija padtrymlivajuć Ukrainu. U pryvatnaści, heta ZŠA, Vialikabrytanija, Polšča, krainy Bałtyi.
.
