Siońnia abituryjenty buduć zdavać biełaruskuju movu, 16 i 17 červienia — ruskuju.
Hrafik CT-2022 składzieny nastupnym čynam:
- 14 červienia — biełaruskaja mova;
- 16 i 17 červienia — ruskaja mova;
- 19 červienia — hramadaznaŭstva;
- 21 i 22 červienia — matematyka;
- 24 červienia — bijałohija;
- 26 červienia — zamiežnaja mova (anhlijskaja, niamieckaja, francuzskaja, ispanskaja, kitajskaja);
- 28 červienia — chimija;
- 30 červienia — fizika;
- 2 lipienia — historyja Biełarusi;
- 4 lipienia — hieahrafija;
- 6 lipienia — suśvietnaja historyja (najnoŭšy čas).
U Ministerstvie adukacyi rajać abituryjentam za dzień da ispytu vyspacca, a taksama nastroicca na pośpiech. Niepasredna pierad ispytam rekamiendujecca vypić krychu vady, kab palepšyć pracu mozhu, admovicca ad pryjomu zaspakajalnych i nie prychodzić u punkt zdačy testavańnia zadoŭha da pačatku, kab nie pieraniervavacca.
Centralizavanaje testavańnie pačniecca ŭ 11:00, Adnak rekamiendujecca pryjści zahadzia i prajści rehistracyju jak minimum za 30 chvilin da pačatku vyprabavańnia. Pry sabie treba mieć propusk, dakumient, jaki śviedčyć pra asobu (pašpart, dazvoł na žycharstva albo paśviedčańnie biežanca), a taksama ručku z čarniłami čornaha koleru.
Padčas ekzamienu zabaroniena vykarystańnie mabilnych telefonaŭ abo inšych pryład, jakija pieradajuć, prymajuć i zachoŭvajuć infarmacyju. Abituryjentam taksama nie dazvalajecca mianiacca miescami, ekzamienacyjnymi listami, prasić dapamohi ŭ vykanańni zadańniaŭ u inšych udzielnikaŭ. Za luboje z hetych parušeńniaŭ navučeniec budzie vydaleny z testavańnia.
Paśla vydaleńnia z aŭdytoryi abituryjent pazbaŭlajecca prava paŭtorna zdać testavańnie ŭ reziervovy dzień biahučaj ustupnaj kampanii.