Pra heta jon zajaviŭ siońnia padčas naviedvańnia Babrujska, paviedamlaje jaho pres-słužba.
«Pucin nikoli mianie nie prasiŭ: davaj, zajdzi, tam kahości zamačy va Ukrainie i inšaje. A voś jany (Zachad) nas šturchajuć u hety kanflikt, kab razabracca i z Rasijaj, i ź Biełaruśsiu i vybudavać front — liniju ad Piciera da Rastova. Kab nie było hetaha biełaruskaha bałkona, jak nazyvajuć jaho. U 2020 hodzie nie atrymałasia. Praciahvajuć heta rabić inšymi mietadami. Dla mianie hałoŭnaje, kab nie ŭleźci tudy pa vušy, u hety ŭkrainski kanflikt, a zrabić tak, kab jon chutčej zakončyŭsia».
Łukašenka nahadaŭ, što ŭ Rasii jość roznaja zbroja i pieraściaroh Ukrainu ad udaraŭ pa RF.
«Ukraincy, Zialenski prosiać dalnabojnuju zbroju dla taho, kab udaryć pa haradach Rasii. Kursk, Rastoŭ, Aroł, Biełharad. Susiednija harady. Ale, niejak publična skazaŭ, ni ŭ jakim vypadku hetaha rabić nielha. Tamu što Rasija ŭžo prymienić novaha ŭzroŭniu zbroju. I prymienić pa Kijevie, pa tych, chto prymaje hetyja rašeńni. Tamu jany jašče krychu pabojvajucca. Ale nie ad ich zaležyć. Zaležyć usio ad taho, nakolki amierykancy buduć ich padšturchoŭvać da hetaj vajny», — skazaŭ Łukašenka.
Jon u čarhovy raz zapeŭniŭ, što Biełaruś nie źbirajecca vajavać va Ukrainie.
«Učora mnie zadavali hetaje pytańnie, užo niehałosna: «A jak, što i inšaje, vy zojdziecie va Ukrainu, vaša armija?» Ja kažu: my nie źbirajemsia nikudy zachodzić, pakul vy nie pierajšli čyrvonuju liniju. Jak tolki vy piarojdziecie našu miažu abo budziecie nacelvać na Mazyrski naftapierapracoŭčy zavod (u ich takaja šalonaja dumka była), my imhnienna adkažam. Tamu vy nas nie čapajcie, my da vas nie źbirajemsia iści, — zajaviŭ jon.
Kamientujučy militaryzacyju Biełarusi, što ŭzrastaje, Łukašenka adznačyŭ važnaść vajennaj padrychtoŭki.
«Vučyć budziem, asabliva mužykoŭ. Čas taki. Čym bolš my budziem mieć, čym macniejšaja u nas budzie zbroja, tym nam spakajniej budzie. Jany buduć razumieć: kali jany ŭdarać pa Mazyry, to my ŭdarym pa Kijevie, nie zachodziačy va Ukrainu. Jany heta pavinny razumieć. Ale dla taho, kab udaryć, treba mieć čym udaryć. U nas heta jość.
«Što tyčycca prahnozu, nichto nie viedaje. Padkreślivaju, nichto nie viedaje, čym tam skončycca, jak budzie situacyja raźvivacca.
Tak, vy možacie ŭ mianie spytać: «Nu jak, ty ž z Pucinym tam razmaŭlaješ kožny dzień…» u najbližejšy čas sustreniemsia, pahavorym pa ekanomicy, biaśpiecy, — skazaŭ Łukašenka. — Usio tolki pačynajecca. Toje, što adbyvajecca va Ukrainie, — heta pačatak. Adzin z elemientaŭ bujnoha pieradziełu śvietu. Tamu, jak buduć raźvivacca padziei… Ciažki vypadak. Buduć łamać, kryšyć. I, viedajecie, traščać buduć pierš za ŭsio nievialikija i siarednija dziaržavy. Takija, jak my, Čechija, Aŭstryja, Šviejcaryja. Jany nikudy nie dzienucca. Ich taksama buduć kryšyć. Śviet budzie inšy.
Łukašenka zapeŭniŭ, što Rasija prychilnica pieramoŭnaha pracesu, heta jon «dakładna viedaje».
«Čamu ŭkraincy admovilisia razmaŭlać z rasijanami? U nas pačaŭsia hety dyjałoh, ja byŭ u jaho załučany, za kaŭnier ich siudy, možna skazać, pryciahnuŭ. Jany syšli. Čamu? Amierykancy skazali: nie, pieramovam nie byvać. I tam kirujuć anhličanie, amierykancy praz palakaŭ šmat u čym. Tyja ŭsiudy chočuć padmitusicca i być kala nahi haspadara i niešta ad hetaha atrymać», — ličyć jon.
«Za śpinaj Polščy stajać amierykancy, jakija finansujuć, dajuć uzbrajeńnie, pierakidvajuć uzbrojenyja siły. My heta bačym. Tamu mnie davodzicca i na zachadzie trymać uzbrojenyja siły napahatovie, i na poŭdni. Dziesiać padraździaleńniaŭ vystraiŭ uzdoŭž miažy za śpinaj u pamiežnikaŭ, kab nie ŭleźli ŭ Biełaruś. A takija dumki byli».
Łukašenka nahadaŭ, što napiaredadni ŭ Kijeŭ pryjazdžali viadučyja jeŭrapiejskija lidary.
«Šolc, Makron, italjanski premjer-ministr. Čaho pryjechali? Pakul jašče niezrazumieła. Ale Jeŭropie vajna taksama nie patrebnaja. Ale, vy zaŭvažyli, tam nie było palaka. Jany ž kruciacca ŭsiudy. Tam nie było anhličanina. Tam nie było amierykanca. Što heta takoje — pytańnie. Ci Jeŭropa sama vyrašyła tut supakoić situacyju i patušyć hety pažar vajny, ci ž amierykancy dali kamandu: vy tam jedźcie, padtrymajcie ukraincaŭ, Zialenskaha i dajcie zbroju. Chutčej za ŭsio, druhoje. Tamu što siońnia ŭžo prezident Francyi zajaviŭ, što buduć pastaŭlać samuju sučasnuju zbroju Ukrainie. Heta značyć, tam idzie niejkaja zavaruška. U najbližejšy čas abmiarkujem z prezidentam Rasii, što tam adbyvajecca. Tamu nichto nie moža skazać, jak tam buduć raźvivacca padziei. Vielmi šmat nieviadomaha», — zajaviŭ siońnia Łukašenka.
