«Što tyčycca piensijnaha ŭzrostu, u nas navat i ŭ abmierkavańni takich tem niama», — skazaŭ jon.
Na pačatku hetaha hoda dyrektar Biznes-sajuza pradprymalnikaŭ i najmalnikaŭ imia Kuniaŭskaha (BSPN) Žanna Tarasievič prapanavała paetapna pavysić piensijny ŭzrost dla žančyn da 63 hadoŭ.
Ciapier u Biełarusi mužčyny vychodziać na piensiju ŭ 63 hady, a žančyny — u 58 hadoŭ. Piensijny ŭzrost pavyšaŭsia kožnyja šeść miesiacaŭ z 2017 hoda, na paŭhoda.
Taksama Ihar Pietryšenka siońnia prapanavaŭ vypracavać dadatkovyja stymuły, kab źnizić uzrost dla naradžeńnia dziaciej.
«Na žal, siońnia ŭsio bolš ustojlivaj stanovicca tendencyja pavieličeńnia ŭzrostu ŭstupleńnia ŭ šlub, a takim čynam, naradžeńnia dziaciej — tolki bližej da 30 hadoŭ», — skazaŭ Pietryšenka.
Vice-premjer upeŭnieny, što poźnija šluby strymlivajuć demahrafičny rost.
Pavodle źviestak Biełstata, siaredni ŭzrost pry zaklučeńni šlubu ŭ 2021 hodzie skłaŭ 26,3 hoda siarod žančyn i 28,6 hoda siarod mužčyn.
