«Tak, my paćvierdzili, što naš udzieł miarkujecca. My adkazali stanoŭča, my adkazali, što zacikaŭlenyja pryniać udzieł», — skazaŭ Ušakoŭ.
Nastupny samit 20 najbujniejšych pramysłova raźvitych krain i krain, jakija raźvivajucca, projdzie na indaniezijskim vostravie Bali 15-16 listapada. Da hetaj hrupy adnosicca i Rasija, tamu asabisty ŭdzieł Pucina ŭ samicie mahčymy. Ale pytańnie, jak da hetaha pastaviacca inšyja ŭdzielniki sustrečy.
U paniadziełak kancler Hiermanii Ołaf Šolc zajaviŭ, što prymie rašeńnie bližej da daty, ci budzie jon udzielničać u samicie G20, kali prezident Rasii taksama prymie ŭ im udzieł. Raniej paviedamlałasia, što niekatoryja krainy mohuć admovicca ad udziełu ŭ samicie, kali na jaho pryjedzie Pucin.
Razam z tym, na hety samit sioleta zaprasili prezidenta Ukrainy Uładzimira Zialenskaha.
