Śpiecyjalnyja miery ŭ dačynieńni da asobnych vidaŭ tavaraŭ buduć dziejničać da 31 śniežnia 2022 hoda. Jany praduhledžvajuć zabaronu na ŭvoz u Biełaruś šerahu vidaŭ charčavańnia ź Jeŭrasajuza, ZŠA, Kanady, Narviehii, Ałbanii, Isłandyi, Paŭnočnaj Makiedonii, Vialikabrytanii, Čarnahoryi, Šviejcaryi, Lichtenštejna i Sierbii, paviedamlaje Reform.by.
Adnačasova ŭrad pašyryŭ pieralik vyklučeńniaŭ z katehoryi sadavina i arechi, jakija ŭsio-tki možna ŭvozić u Biełaruś. Ciapier embarha nie budzie raspaŭsiudžvacca na:
hrušy,
abrykos,
višni,
čarešni,
piersiki i niektaryny,
ślivy,
churmu.
Nahadajem, charčovaje embarha było ŭviedziena z 1 studzienia 2022 hoda. Pad jaho trapili miasa i miasnyja pradukty, žyvioły tłuščy, małočnaja pradukcyja, harodnina, kaŭbasnyja i kandytarskija vyraby. Pry hetym dapuskajecca ŭvoz praduktaŭ u ramkach kvot JEAES, a taksama pa śpiecyjalnych dazvołach.
Za hety čas urad užo trojčy mianiaŭ pieralik padsankcyjnych praduktaŭ, vyklučyŭšy ź jaho nasieńnie, niekatoruju siezonnuju harodninu i sadavinu, sol. Biełaruski ŭrad zabaraniŭ uvozić u krainu pradukty charčavańnia ŭ adkaz na sankcyi, jakija ES, ZŠA i inšyja dziaržavy ŭviali ŭ dačynieńni da Alaksandra Łukašenki, siłavikoŭ, sudździaŭ i inšych čynoŭnikaŭ.
