«My ź lutaha pieraličvali čarhovy płaciežny pracent u lutym, značyć, pa jeŭraablihacyjach praz voś hety bank, jaki źjaŭlajecca našym ahientam. U vyniku da nas pastupajuć šmatlikija zvaroty inviestaraŭ, jakija kupili našy ablihacyi ab tym, što da ich nie dachodziać płaciažy. To bok, heta inviestary ź Biełarusi, heta inviestary i rasijskija i, moža być, niechta jašče, tamu što kančatkovy inviestar nam nieviadomy: ź imi pracujuć adpaviednyja apłatnyja ahienty — banki i depazitarnyja sistemy», — skazaŭ jon.
Sielivierstaŭ adznačyŭ, što bank aficyjna paviedamiŭ ab pieraličeńni srodkaŭ depazitaryjam.
«Na pytańnie, čamu da inviestaraŭ nie dachodziać hrošy, u nas jość aficyjny adkaz ad banka, što «my ŭsim pieraličyli i budźcie zdarovyja». Heta tam niejkija depazitarnyja sistemy, skažam tak. Depazitarnyja sistemy kažuć: my z vami z hetaj nahody vieści kantakt nie budziem, voś u vas jość płaciežny ahient, ź im i raźbirajciesia, jana za heta ŭsio i adkazvaje. Uźnikaje pytańnie, što pa ŭsioj hetaj situacyi my bačym, što hetyja sistemy imknucca nie davodzić płaciažy da tych, chto, skažam, ź ich punktu hledžańnia źjaŭlajecca, nu niejkim sankcyjnym, ci nie padabajecca im, pa sutnaści, heta tyja, chto absłuhoŭvaŭsia ŭ rasijskich depazitaryjach, heta biełaruskija banki», — adznačyŭ Juryj Sielivierstaŭ.
Ministr paviedamiŭ, što Biełaruś sutykajecca z ryzykaj taho, što značnaja častka srodkaŭ pry płaciažach u valucie ablihacyj nie dojdzie da «družalubnych inviestaraŭ».
«Pa-pieršaje, vierahodna, što značnaja častka hrošaj nie dojdzie da družalubnych inviestaraŭ — pavodle našych acenak, kala 40%. Jany prosta buduć dzieści zabłakavanyja. I druhi momant-my płacim praz Nacbank, a na jaho ŭviedzienyja abmiežavańni. Tak što jość ryzyka, što naohuł usia suma płaciažu nie dojdzie. U hetych umovach, na žal, ažyćciaŭlać standartnyja raźliki pa jeŭraablihacyjach niejak stanovicca biessensoŭna. Dla čaho heta rabić, kali my nie viedajem kančatkovaha vyniku?», — skazaŭ jon.
Tamu va ŭradzie i pryniali rašeńnie transfarmavać miechanizm.
«Pieršy etap hetaj transfarmacyi — toje, što my siońnia pieraličvajem pracentnyja dachody na, značyć, rachunak u «Biełarusbanku» i, značyć na atrymalnika «Sicibank», jaki źjaŭlajecca ahientam, i jon potym u pravie hetyja hrošy atrymlivać i dumać, jak jon daviadzie ich da svaich klijentaŭ», — skazaŭ ministr
