Budaŭnictva aharodžy na biełaruska-litoŭskaj miažy ŭ 2021 hodzie
Abramavičus adznačyŭ, što dziakujučy rašučym krokam Litvy letaś u adkaz na štučna vyklikany mihracyjny kryzis udałosia spynić napłyŭ mihrantaŭ i pieranakiravać ich nazad u Biełaruś. Adnak jon pryznaŭ, što situacyja paharšajecca vidavočnaj supiarečnaściu pamiž pravam krain — siabraŭ Jeŭrapiejskaha sajuza abaraniać svaje miežy i peŭnymi zakonami ES adnosna najaŭnaści ŭ mihrantaŭ prava źviartacca z prośbaj ab prytułku dzie zaŭhodna.
«My jak dziaržava-ŭdzielnica prapanujem Kamisii, Radzie ES unieści źmieny ŭ zakanadaŭstva, u pryvatnaści adnosna Šenhienskaha kodeksa ab miežach, kab uličyć fizičny barjer jak srodak zabieśpiačeńnia abarony miažy i razhledzieć niekatoryja śpiecyjalnyja miery, kab praduchilić instrumientalizacyju mihrantaŭ», — skazaŭ Abramavičus.
Pavodle jaho, Litva spyniła napłyŭ mihrantaŭ i kantraluje situacyju, ale hieapalityčnaja situacyja ŭ rehijonie paśla letašniaha mihracyjnaha kryzisu pahoršyłasia, bo «hibrydnaja ahresija pieratvaryłasia ŭ vajnu va Ukrainie, u jakoj Biełaruś źjaŭlajecca sajuźnikam prezidenta Rasii Pucina».
Litva — nie adzinaja kraina, jakaja fizična adharodžvajecca ad Biełarusi paśla mihracyjnaha kryzisu minułaha hoda. Niadaŭna zajaviła pra zaviaršeńnie budaŭnictva 186-kiłamietrovaj pamiežnaj ściany Polšča.
Čytajcie taksama:
Makiej paskardziŭsia na polskuju pamiežnuju ścianu ŭ JUNIESKA
nuu... istinnyje ž jevropiejcy diełajut tam mini prochody tam dla vsiačieskich lahušiečiek pod avtobanami...