«Siońnia Jeŭrapiejskaja kamisija ŭchvaliła sumiesnuju prapanovu ab novym pakiecie zachadaŭ dla padtrymki i ŭzmacnieńnia efiektyŭnaści šaści maštabnych i biesprecedentnych pakietaŭ sankcyj JEZ suprać Rasii», — zajavili ŭ Jeŭrakamisii.
Siomy sankcyjny pakiet budzie nakiravany na ŭzhadnieńnie i tłumačeńnie mieraŭ, praduhledžanych papiarednimi pakietami, i na ŭzhadnieńnie mierapryjemstvaŭ siarod usich krain-partnioraŭ, u pryvatnaści G7.
Jeŭrakamisija taksama prapanuje praciahnuć dziejańnie sankcyj da studzienia 2023 hoda, zajaviła prezident JEK Ursuła fon der Lajen.
U kancy studzienia adbudziecca nastupny pierahlad terminaŭ i mierapryjemstvaŭ. Akramia taho, novymi sankcyjami prapanujuć zabaranić impart rasijskaha zołata i pry hetym uzmacnić kantrol nad ekspartam tavaraŭ padvojnaha pryznačeńnia i pieradavych technałohij. U JEK ličać, što heta ŭzmocnić uzhodnienaść sankcyj ES z sankcyjami partnioraŭ pa G7 i zrobić bolš surovymi patrabavańni da spravazdačnaści, kab aktyvizavać zamarožvańnie rasijskich aktyvaŭ krainami Jeŭrasajuza.
Sankcyi ES nie zakranuć handal sielskahaspadarčaj pradukcyjaj pamiž trecimi krainami i Rasijaj, padkreślili ŭ ES.
Kiraŭnik jeŭrapiejskaj dypłamatyi Žazep Barel dadaŭ, što novymi sankcyjami błok praciahnie atakavać atačeńnie prezidenta RF Uładzimira Pucina. «U dadatak da hetych mier ja taksama budu pradstaŭlać Radzie [ES] prapanovy pa ŭklučeńni ŭ śpis inšych fizičnych i jurydyčnych asob z zamarožvańniem ich aktyvaŭ i abmiežavańniem mahčymaści padarožničać», — skazaŭ Barel.
Paśla pradstaŭleńnia pakieta Jeŭrakamisijaj jon budzie abmiarkoŭvacca dziaržavami-ŭdzielnicami ŭ Radzie Jeŭrasajuza.
