Ideju zabarony prapanavała Asacyjacyja ŭładalnikaŭ zbroi Estonii praz try tydni paśla pačatku vajny va Ukrainie. U abjadnańni miarkujuć, što ahniastrelnaj zbrojaj i bojeprypasami ŭ krainie pavinny vałodać tolki hramadzianie Estonii, a taksama krain ES i NATA.
«Heta pytańnie, naŭprost źviazanaje ź dziaržbiaśpiekaj. Adnak jano tyčycca nie tolki hramadzian tych krain, jakija, skažam tak, nie nadta družalubna staviacca da Estonii. Palicyi nieabchodna ažyćciavić bolš maštabnuju pravierku. Bo, ja ŭpeŭnieny, siarod nas jość i estonskija hramadzianie, niedružalubna nastrojenyja ŭ dačynieńni da Estonii i Ukrainy. Čyje dumki i idei va ŭmovach abvostranaj situacyi mohuć pradstaŭlać pahrozu. Imi taksama varta zaniacca», — skazaŭ Łaŭry Laeniemiets, jaki ŭ budučym uradzie zojmie pasadu ministra ŭnutranych spraŭ.
Pavodle płanavanaha zakona, dziejučyja ciapier dazvoły na vałodańnie zbrojaj dla rasijan i biełarusaŭ buduć anulavanyja, a novyja vydavacca nie buduć.
