«Palina narešcie znajšłasia u žanočaj papraŭčaj kałonii № 24 (Zarečča). Bolš miesiaca łukašysty chavali jaje miescaznachodžańnie.
PK-24 heta kałonija dla žančyn recydyvistak, jakija paŭtorna ździejśnili ciažkaje złačynstva. Jana znachodzicca ŭ lesie pamiž Rečycaj i Śvietłahorskam i viadoma vielmi žorstkimi ŭmovami ŭtrymańnia. Taksama PK-24 viadoma kiepskimi sanitarnymi ŭmovami dla viaźniaŭ i ciažkaj fizičnaj pracaj dla źniavolenych».
Palina Šarenda-Panasiuk była zatrymanaja ŭ studzieni 2021 hoda. Na jaje zaviali try kryminalnyja spravy: pavodle art. 364 KK («Hvałt albo pahroza vykarystańnia hvałtu ŭ dačynieńni da supracoŭnika orhanaŭ unutranych spravaŭ»), art. 368 («Abraza prezidenta») i art. 369 («Abraza pradstaŭnika ŭłady»). Usiaho paciarpiełymi pa spravie prachodzili siem milicyjanieraŭ. Pavodle viersii abvinavačvańnia, jana plunuła i ŭdaryła adnaho ź milicyjantaŭ padčas ahladu, a ź inšaha sarvała masku, astatnich abražała. Taksama žančyna nibyta dapuściła abrazu Łukašenki. Tady jaje asudzili na dva hady kałonii.
Padčas znachodžańnia ŭ homielskaj kałonii 7 krasavika Palinu asudzili pa č. 2 art. 411 KK (złosnaje niepadparadkavańnie patrabavańniam administracyi papraŭčaj ustanovy), dadaŭšy jašče hod źniavoleńnia.
Padtrymajcie palitźniavolenuju: PK № 24, 247526, vuł. Vytvorčaja, 44, h. p. Zarečča, Rečycki rajon, Homielskaja vobłaść, Palinie Siarhiejeŭnie Šarendzie-Panasiuk
