Sioleta dakumienty na biudžetnyja miescy ŭ VNU možna było padać z 18 pa 24 lipienia. Z 25 lipienia pa 2 žniŭnia ŭ VNU projduć unutranyja ispyty. Zaličeńnie na biudžet zavieršycca 4 žniŭnia. Dalej idzie etap dadatkovaha naboru na navučańnie za košt srodkaŭ biudžetu z 5 pa 7 žniŭnia.
Pryjom dakumientaŭ na płatnuju formu navučańnia budzie doŭžycca da 8 žniŭnia. Abituryjentam, jakija pastupajuć na płatnuju asnovu i zdajuć ustupnyja ispyty, dakumienty treba padać da 24 lipienia. Zaličeńnie płatnikaŭ zavieršycca 10 žniŭnia. Heta tyčycca asnoŭnaha błoka śpiecyjalnaściaŭ.
Na sielskahaspadarčyja śpiecyjalnaści na dzionnuju formu navučańnia pryjom dakumientaŭ zavieršycca 26 lipienia, usia pracedura praciahniecca da 10 žniŭnia. Na zavočnuju formu atrymańnia adukacyi ŭ VNU sielhasprofilu dakumienty buduć prymać z 15 listapada da 5 śniežnia.
Dla śpiecyjalnaściaŭ siłavoha błoka pryjom dakumientaŭ na biudžet pradoŭžycca da 26 lipienia, usia pracedura zavieršycca 10 žniŭnia.
Usiaho VNU sioleta płanujuć pryniać kala 53,5 tysiačy abituryjentaŭ: na biudžetnuju formu — bolš za 27,7 tysiačy čałaviek, na płatnuju — bolš za 25,5 tysiačy.
