— Płanujecca, što budynak novaj infiekcyjnaj balnicy raźmieścicca na vuł. Šaranhoviča — nasuprać dziciačaj «infiekcyjnaj», — adznačyła Alena Bohdan.
— Heta budzie sučasnaja miedycynskaja ŭstanova z dobra abstalavanaj dyjahnastyčnaj, łabaratornaj bazaj. My trochi pavialičym łožkavy fond (kolkaść miescaŭ), zrobim asobny błok dla pacyjentaŭ z asabliva niebiaśpiečnymi infiekcyjami. U pierśpiektyvie, spadziavajusia, heta budzie Minski navukova-praktyčny centr infiekcyjnych chvarob.
Taksama staršynia kamiteta pa achovie zdaroŭja rastłumačyła, čamu było pryniataje rašeńnie ab budaŭnictvie novaj balnicy:
«Siońnia haradskaja infiekcyjnaja kliničnaja balnica raźmieščanaja na vuł. Krapotkina, u starych budynkach, davoli mocna raskidanych pa terytoryi balnicy. I my siońnia nie možam na płoščy, jakaja jość u kliniki, ukaranić usio, što nam chočacca. Heta tyčycca łabaratornaha zabieśpiačeńnia, novych boksavych pałat. I dyjahnastyčny błok chočacca inšy».