Hubiernatar Biełharadskaj vobłaści Viačasłaŭ Hładkoŭ paviedamiŭ, što žychary dvuch siołaŭ, jakija znachodziacca ŭ niepasrednaj blizkaści ad pažaru, evakuirujucca.
— Pa apošnich źviestkach, paciarpiełych niama, achviaraŭ niama. Kiraŭnik akruhi vyvozić žycharoŭ siołaŭ Cimanava i Soładzi na biaśpiečnuju adlehłaść. Na miescy pracujuć apieratyŭnyja słužby, pryčyna pažaru ŭstanaŭlivajecca, — zajaviŭ Hładkoŭ.
Akramia taho, siońnia hubiernatar Biełharadskaj vobłaści Viačasłaŭ Hładkoŭ paviedamiŭ, što USU nibyta zmahli zasiejać rehijon supraćpiachotnymi minami. Stała viadoma, što minami PFM-1 «Pialostak» zaminavanaja terytoryja Šabiekinskaj haradskoj akruhi. Pa słovach Viačasłava Hładkova, miny byli znojdzienyja paśla niekalkich abstrełaŭ z boku Ukrainy.
«Pialostki» byli raskidanyja ŭ vialikaj kolkaści i na vialikaj adlehłaści, zaraz prymajucca ŭsie miery dla taho, kab prybrać usio», — raskazaŭ jon. Pa słovach hubiernatara, z-za zachavańnia niebiaśpieki viartańnie evakujavanych žycharoŭ u tyja miaściny niemahčymaje.
