facebook.com/pressclubbelarus
U hety lik uvachodziać padadzienyja ŭ sud iskavyja zajavy ab prymusovaj likvidacyi, albo prymusovaje vyklučeńnie z Adzinaha dziaržaŭnaha rehistra jurydyčnych asob i indyvidualnych pradprymalnikaŭ (ADR). Hetaja ličba na 65 arhanizacyj bolšaja, čym u papiaredni manitorynhavy pieryjad. Adznačajecca rehularny rost kolkaści arhanizacyj, jakija pryniali rašeńnie ab samastojnaj likvidacyi. Na kaniec žniŭnia ich było 363.
Takim čynam, hramadski siektar Biełarusi, pačynajučy z vybarčaha pieryjadu 2020 hoda, pazbaviŭsia ŭžo nie mienš jak 965 instytucyjanalizavanych form niekamiercyjnych arhanizacyj (hramadskich abjadnańniaŭ, prafiesijnych sajuzaŭ, fondaŭ, niedziaržaŭnych ustanoŭ i asacyjacyj), što na 85 NKA bolš, čym vyjaŭlena ŭ minuły manitorynhavy pieryjad», — adznačajecca ŭ ahladzie.
U kancy žniŭnia kiraŭnik administracyi Alaksandra Łukašenki Ihar Siarhiejenka paviedamlaŭ, što ŭ Biełarusi za dva hady likvidavana bolš za 400 niedziaržaŭnych arhanizacyj. Jon ličyć heta «azdaraŭleńniem hramadskaha pola».
«Dziakujučy sumiesnym namahańniam orhanaŭ ułady za pieryjad z 2020 hoda hramadskaje pole krainy istotna azdaraviłasia. Spyniena dziejnaść 373 destruktyŭnych i inšych sumnieŭnych abjadnańniaŭ, 44 ustanoŭ, a taksama tak zvanych niezaležnych prafsajuzaŭ», — zajaviŭ jon.