Kibiermachlary na padstavie kupli kambajna ŭ Polščy vymanili ŭ biełaruskaj kampanii z Klecka 117 tysiač jeŭra, paviedamili ŭ pres-słužbie USK pa Minskaj vobłaści.
Kampanija z Klecka šukała pastaŭščyka kambajna, kab potym jaho zdavać u arendu. Vybrali viadomuju polskuju firmu i pačali pieramovy ab kupli. Dziełavaja pierapiska viałasia pa elektronnaj pošcie, ale firma aściarožničała, i dyrektar Kleckaj kampanii navat źjeździŭ u Polšču, kab pahladzieć na kambajn i pierakanacca ŭ jaho jakaści.
U vieraśni 2022-ha na elektronnuju poštu biełarusam pryjšoŭ rachunak-faktura za kambajn. I zakazčyk, ničoha nie padazrajučy, pieraličyŭ na ŭkazany rachunak bolš za 117 tysiač jeŭra. Adnak paśla vyśvietliłasia, što rachunak dasłali kibiermachlary. Jany adpravili list z fejkavaj elektronnaj pošty, jakaja adroźnivałasia ad adrasu sapraŭdnaha partniora ŭsiaho na niekalki znakaŭ.
Zamiest realnych rekvizitaŭ dla apłaty zamiežnamu partnioru paciarpiełyja adpravili hrošy na rachunak kibiermachlaroŭ. Paśla hetaha dyrektar pradpryjemstva źviarnuŭsia ŭ milicyju.
Rasśledujecca kryminalnaja sprava ab machlarstvie ŭ asabliva bujnym pamiery (č. 4 art. 209 KK RB).
