23.09.2022
/ 21:31 / Ałharytmičny łacinski varyjant
Infarmacyja, što ŭ biełaruskich VNU aktualizujuć śpisy paŭnaletnich studentaŭ mužčynskaha połu, akazałasia fejkavaj
Heta mierapryjemstva musiła nibyta pravodzicca ŭ suviazi z zahadam Ministerstva adukacyi Respubliki Biełaruś №576 ad 22 vieraśnia 2022 hoda, vydadzienaha ŭ ramkach inicyjavanaj Łukašenkam pravierki bojehatoŭnaści Uzbrojenych siłaŭ. Ale paźniej akazałasia, što dakumient falsifikavany, a sajt, na jakim jon raźmieščany, uzłamany.
Zahadam, padpisanym ministram adukacyi Andrejem Ivancom, dekanatam pradpisvajecca:
- padrychtavać poŭnyja śpisy paŭnaletnich studentaŭ mužčynskaha połu i aznajomić z tekstam zahadu №576 pad rośpis;
- zabiaśpiečyć kantrol za svoječasovaj jaŭkaj studentaŭ ad 18 hadoŭ u vajenkamaty dla źvierki piersanalnych źviestak;
- prainfarmavać pad podpis ab adkaznaści za ŭchileńnie ad vykanańnia rasparadžeńnia až da adličeńnia.
Na vykanańnie hetych punktaŭ adviedziena ŭsiaho niekalki dzion.
Nashaniva.com
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
