Usie fota: RA Media
Partret Karła III, jaki zaraz budzie vykarystoŭvacca dla ŭsich novych brytanskich maniet, stvaryŭ skulptar Marcin Dženinhs. Vyjava było asabista ŭchvalena manarcham, jaki, jak paviedamlajecca, zastaŭsia asabliva zadavoleny jaho padabienstvam z aryhinałam.
Pry pracy nad manietaj skulptar vykarystoŭvaŭ fatahrafii, tak što karalu nie pryjšłosia asabista paziravać dla hetaha tvora.
«Heta samaja maleńkaja pa pamiery maja rabota, ale dla mianie vialiki honar, što jaje ŭbačać — i zmohuć uziać u ruki — mnostva ludziej pa ŭsim śviecie na praciahu mnohich stahodździaŭ», — skazaŭ Dženinhs.
Na manietach Karł III budzie hladzieć naleva — pavodle šmatviakovaj tradycyi, pa jakoj profili novych manarchaŭ paviernutyja nie ŭ toj ža bok, što ich papiaredniki (Lizavieta II hladzieła naprava).
Pry hetym Karł III paŭstaje na manietach biez karony — hetak ža, jak papiarednija karali (Lizavieta II była ŭ karonie).
Reviers 50-piensavaj maniety ŭjaŭlaje saboj kopiju dyzajnu maniety ŭ piać šylinhaŭ, vypuščanaj u 1953 hodzie z nahody karanacyi Lizaviety II.
