Andrej Kalada naradziŭsia 3 červienia 1940 hoda ŭ vioscy Paniamoń na Navahrudčynie. Byŭ viadomym litaraturaznaŭcam i piedahoham, daśviedčanym znaŭcam teatra, kandydatam piedahahičnych navuk, prafiesaram. Zajmaŭ pasadu prarektara Biełaruskaj akademii mastactvaŭ z 1989 pa 2008 hady, stvaryŭ narodny litaraturny teatr «Žyvoje słova». Siarod inšaha jon viadomy taksama tym, što pierakładaŭ na biełaruskuju movu tvory rasijskich kłasikaŭ.
U 2018 hodzie Andrej Kalada byŭ zvolnieny z pracy za supracoŭnictva sa «Svabodnym teatram». Jahonaja dačka Natalla — adna sa stvaralnic hetaha teatra razam z mužam Mikałajem Chalezinym.
Raźvitacca z prafiesaram Kaladoj možna budzie 15 kastryčnika a 12.00 hadzinie na Paŭnočnych mohiłkach.
