Rasijskija vajskoŭcy ŭ Biełarusi. Fota: Minabarony Biełarusi
«Historyja z atakaj biełarusaŭ na Ukrainu ŭ našych miedyja źjaŭlajecca dzieści z krasavika. Prykładna raz na paŭtara miesiaca zajaŭlajuć, što dakładna voś zaŭtra napaduć hetyja strašnyja lehijony biełarusaŭ. Ale realnaść trochi inšaja, i šmat razoŭ ja raźvienčvaŭ hetyja mify», — miarkuje kiraŭnik Hałoŭnaha ŭpraŭleńnia raźviedki Minabarony Ukrainy Kirył Budanaŭ.
Pa jaho słovach, zaraz u Biełaruś zavieźli 3200 vajskoŭcaŭ.
«Ale jany bieź ciažkaj techniki. Naadvarot, Biełaruś usiu svaju techniku z baz doŭhaterminovaha zachoŭvańnia adpraŭlaje ŭ Rasiju. Heta značyć fizična čym jany z nami buduć ciapier vajavać? Ja nie razumieju. I hetak ža nie razumiejuć jany», — miarkuje kiraŭnik HUR.
Taksama jon ličyć, što nastupu na Kijeŭ u bližejšy čas čakać nie varta, bo dla hetaha dva ci dva z pałovaj tydni pierakidvańnia vojskaŭ. A takoha pakul nie nazirajecca.
