Heta kamień — žornaŭ pamieram kala 30 santymietraŭ. Zrobleny jon ź jaŭrejskaha nadmahilla macevy.
Dziakujučy daśledčyku Alehu Lisoŭskamu stała viadoma, što aznačajuć nadpisy. Kavałki słovaŭ na iŭrycie kažuć, što pad hetym kamianiom była pachavanaja žančyna — ab hetym havoryć abrevijatura ź litar פנ («tut pachavanaja»). Kavałki dvuch inšych radkoŭ havorać ab tym, što pamierłuju zvali Beła i była jana dačkoj Š…
Ź jakich mohiłak byŭ skradzieny hety kamień i na jakim młynie vykarystoŭvaŭsia, zaraz skazać ciažka. Možna tolki mierkavać, što jon ź bližejšych viadomych homielskich jaŭrejskich mohiłak ci ź nieviadomych mohiłak, jakoje mahło być u navakollach Pakalubičaŭ. I adbyłosia heta ŭ pieršyja dziesiacihodździ isnavańnia SSSR.