Padčas vystupu na pasiadžeńni dyskusijnaha kłuba «Vałdaj» u čaćvier Pucin praciahnuŭ adkidvać ideju suvierenitetu Ukrainy, zajaviŭšy, što «adzinaj realnaj harantyjaj ukrainskaha suvierenitetu» moža być tolki Rasija, jakaja «stvaryła» Ukrainu. Pucin paŭtaryŭ, što heta — «histaryčny fakt», što ŭkraincy i ruskija — pa sutnaści adzin narod, jaki byŭ pamyłkova padzieleny na roznyja dziaržavy.
Zajavy Pucina adprečvajuć toj jurydyčny fakt, što Ukraina źjaŭlajecca całkam suvierennaj dziaržavaj, što Rasijskaja Fiederacyja pryznała suvierenitet Ukrainy i ŭkrainski narod isnuje jak asobnaja nacyja, adznačaje ISW.
Paŭtareńnie Pucinym idei pra toje, što Ukraina i Rasija — adziny narod, padzieleny na roznyja dziaržavy ŭ siłu histaryčnych abstavinaŭ, śviedčyć ab jaho mety źniščyć ŭkrainskuju dziaržavu i ścierci paniaćcie ŭkrainskaha naroda.
Padčas adkazaŭ na pytańni jon dadaŭ, što «kali niejkaja častka hetaha adzinaha etnasu ŭ niejki momant vyrašyć, što jana dasiahnuła takoha ŭzroŭniu, što ličyć siabie asobnym narodam, to na heta možna budzie adkazać tolki pavahaj».
Šmatlikija ŭmoŭnaści ŭ hetym kamientary padkreślivajuć nieprymańnie Pucinym idei pra toje, što ŭ ciapierašni čas isnuje jakaja-niebudź niezaležnaja ŭkrainskaja nacyjanalnaja identyčnaść, zaklučajuć ekśpierty.
