13 — 16 kastryčnika ŭ Minsku projdzie CHIV Biełaruski enierhietyčny i ekałahičny forum. U jaho miežach taksama adbudziecca mižnarodnaja vystava «Enierhietyka. Ekałohija Enierhaźbieražeńnie. Elektra» pad ahulnaj nazvaj Energy Expo.
Meta praviadzieńnia foruma — pakaz sučasnych dasiahnieńniaŭ navuki, techniki i technałohij ŭ halinie enierhietyki i enierhaźbierahańnia. U pracy vystavy Energy Expo prymuć udzieł bolš za 200 pradpryjemstvaŭ i arhanizacyj z 14 krain śvietu. Pavodle arhanizataraŭ vystavy, biełaruski forum — heta najbujniejšaje mierapryjemstva takoha kštałtu na prastorach SND. Akramia vystavy, padčas foruma płanujecca praviadzieńnie mižnarodnaj navukova‑praktyčnaj kanfierencyi i sieminara, pryśviečanych enierhietyčnaj prablematycy.
Razam z tym na CHIV Biełaruskim enierhietyčnym i ekałahičnym forumie nie płanujecca abmierkavańnie pytańniaŭ, źviazanych z raźvićciom atamnaj enierhietyki ŭ Biełarusi. Dla hetych metaŭ ŭ sakaviku budučaha hoda Ministerstva enierhietyki płanuje zładzić admysłovuju kanfierencyju i vystavu.
