Havorka idzie pra vadkaści z utrymańniem mietanołu ŭ kancentracyi bolš za 0,05 abjomnaha pracenta.
Raniej była ŭviedzienaja časovaja sanitarnaja miera tolki na antyabledzianialnyja vadkaści. Ale ŭ pracesie pravierak vyśvietliłasia, što pad vyhladam «niezamiarzajek» pradajuć i supraćhałalodnyja reahienty.
Vytvorcy iduć na roznyja chitryki. Naprykład, vypuskajuć padobnyja ŭpakoŭki. Taksama na etykietkach robiać akcent na niekatorych ułaścivaściach, padobnych da škłoačyščalnikaŭ.
Pry hetym asnoŭny kampanient hetych vadkaściaŭ — mietanoł. A heta značyć, što jany nie pavinny vykarystoŭvacca ŭ jakaści škłoačyščalnika dla aŭtamabilaŭ.
U Respublikanskim centry hihijeny, epidemijałohii i hramadskaha zdaroŭja taksama raskazali, što za try pieršyja miesiacy hetaha hoda z prodažu było vyniata bolš za šeść tysiač adzinak niebiaśpiečnaj pradukcyi. A z nadychodam chaładoŭ sanitarna-epidemijałahičnaja słužba praciahnie pilnyja pravierki tak zvanych «niezamiarzajek».
