U błohu Navalnaha tłumačycca, što, akramia štrafnoha izalatara (ŠIZA), dzie źniavolenaha mohuć trymać nie bolš za 15 sutak, jość jašče «strohija ŭmovy ŭtrymańnia: barak, dzie ŭsie dźviery začyniajucca, ź jakoha nie vypuskajuć, i šmat usialakich abmiežavańniaŭ».

«A dla jašče bolš zaŭziatych jość PKT. Heta zvyčajnaja ciesnaja kamiera, jak ŠIZA, tolki možna mieć z saboj nie adnu knižku, a dźvie, i karystacca turemnaj kramaj, praŭda, na vielmi abmiežavanuju sumu», — havorycca ŭ publikacyi.

Navalnaha pieraviali ŭ PKT usiaho za niekalki dzion da zapłanavanaha spatkańnia z rodnymi, jakoje raniej taksama nieadnarazova adkładałasia. Pry ŭtrymańni ŭ pamiaškańni kamiernaha typu praciahłych spatkańniaŭ naohuł niama.

1 listapada Navalnaha siomy raz adpravili ŭ ŠIZA. Palityk i jahonyja advakaty ličać hetyja miery formaj cisku na Navalnaha, jaki vystupaje suprać vajny, navat adbyvajučy svoj dzieviacihadovy termin u kałonii. Z antyvajennymi pramovami jon vystupaje na sudovych pasiadžeńniach i asprečvaje adpraŭku ŭ ŠIZA.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?