Tak, zhodna z vynikami ekzit-poła, praviedzienaha ŭ niadzielu Mižnarodnym instytutam rehijanalnych daśledavańniaŭ «Adkrytaje hramadstva», Kasym-Žamart Takajeŭ pieramoh na niadzielnych vybarach kiraŭnika dziaržavy, nabraŭšy 82,45 % hałasoŭ.
Inšy ekzit-poł, praviedzieny Instytutam hramadskaj palityki partyi «Amanat», daje Takajevu jašče bolš: 85,52 % hałasoŭ.
Usie astatnija kandydaty nie nabirajuć navat 4 % hałasoŭ. Najlepšy paśla Takajeva vynik pakul u kandydata ad partyi «Auił» Žyhuli Dajrabajeva — 3,33 % hałasoŭ. Ale ŭvohule druhi pa papularnaści kandydat — «Suprać usich», jakomu dajuć bolš za 5 % hałasoŭ.
Hetyja vybary ŭ Kazachstanie — pazačarhovyja i pravodziacca pavodle novaj Kanstytucyi. Zhodna ź joj, prezident abirajecca nie pa 5 hadoŭ, jak raniej, a na 7, ale nie maje prava na pieraabrańnie.
Kasym-Žamartu Takajevu ciapier 69 hadoŭ, praz 7 hadoŭ, adpaviedna, budzie 76.
