Vajenkar Siamion Piehaŭ
Supołka składajecca bolš čym z 500 błohieraŭ i stała krynicaj infarmacyi pra vajnu ŭ Rasii, pišuć ekśpierty. Jaje pradstaŭniki prytrymlivajucca pravajennych i nacyjanalistyčnych pohladaŭ.
Dziakujučy ciesnym suviaziam vajenkaraŭ z bajcami na froncie jany ŭ rasijskaj infarmacyjnaj prastory hučać bolš, čym pradstaŭniki Ministerstva abarony Rasii.
Rasijski prezident Uładzimir Pucin abaraniaŭ military-błohieraŭ ad napadak vajennaha viedamstva i abierahaŭ ich navat na fonie ŭzmacnieńnia represij i cenzury pa ŭsioj Rasii.
Kreml raniej prasoŭvaŭ svoj dziaržaŭny naratyŭ praz rasijskija fiederalnyja kanały, telebačańnie i drukavanyja ŚMI, ale dazvoliŭ supolnaści vajenkaraŭ čaściakom vyłučać ułasnyja mierkavańni nakont vajny.
Supołka składajecca z šyrokaha śpiektru piersanažaŭ — ad tych, chto padtrymlivaje Kreml, krytykujučy rasijskaje vajskovaje kamandavańnie, da tych, chto naŭprost abvinavačvaje Uładzimira Pucina ŭ vajskovych niaŭdačach Rasii va Ukrainie.
Toje, što Kreml pamiarkoŭna stavicca da supołki military-błohieraŭ, dziŭna, uličvajučy cenzuru, jakoj padviarhajucca inšyja, bolš tradycyjnyja srodki masavaj infarmacyi, uklučajučy apazicyjnyja i zamiežnyja ŚMI, adznačajuć ekśpierty ISW.