«Maksim Viniarski dasłaŭ vosieński vierš», — napisała Alena i pracytavała radki viaźnia:
Liście žoŭtaje źlataje na ziamlu,
Znoŭ da snu rychtujecca pryroda,
Mnie ž da ranku siońnia nie zasnuć.
Niet spakoju — jak niama svabody.
Chutka biełym achinie ziamlu,
Laža śnieh pakrovam uračystym
Na ziamlu — krainu lubuju maju,
Dzie žyvu ad samaje kałyski.
Dzie skanać, napeŭna, vyrak los,
Dzie paŭsiul šukaŭ svaju darohu,
Na ałtar jakoj siabie prynios,
Dzie nie zdradziŭ ni siabram, ni Bohu.
16.11.22
Maksim Viniarski byŭ schopleny 21 studzienia 2021 hoda i asudžany da 5 hadoŭ kałonii ŭzmocnienaha režymu za «arhanizacyju masavych biesparadkaŭ». Paśla abviaščeńnia prysudu jaho trymali ŭ «stakanie», a ŭ kamiery vylivali vadu na padłohu, kab niemahčyma było sieści. U papraŭčaj kałonii №3, dzie ŭtrymlivajecca ciapier Viniarski, jon pastaŭleny na ŭlik — nie tolki jak «schilny da ekstremizmu», ale i «da suicydu».
