Jak paviedamiła pres-słužba meryi, rašeńnie było pryniata 24 listapada. Pomnik rasijskaj impieratrycy pavinien być demantavany i pieraniesieny. Kali i kudy — nie paviedamlajuć.
20 kastryčnika ŭ Adesie prajšło elektronnaje apytańnie z nahody losu pomnika Kaciarynie II. Bolšaść adesitaŭ, jakija pryniali ŭdzieł u hałasavańni, padtrymali demantaž.
Pomnik nie raz ablivali čyrvonaj farbaj. Taksama la pastamienta ładzili akcyi z patrabavańniem jaho źnieści.
Zaraz pomnik, jaki aficyjna nazyvajecca «zasnavalnikam Adesy», padrychtavany da demantažu.
Jak pišuć ukrainskija ŚMI sa spasyłkaj na vice-mera Adesy Aleha Bryndaka, pytańnie ab znosie pomnika Kaciarynie II vyrašana tym nie mienš nie kančatkova — treba budzie pravieści pasiadžeńnie harsavieta 30 listapada.
Kaciaryna II źjaviłasia ŭ Adesie ŭ 2007 hodzie pry prezidencie Viktaru Juščanku. Heta kopija pomnika, demantavanaha balšavikami ŭ 1925 hodzie. Manumient ujaŭlaje saboj kampazicyju, centralnaj fihuraj jakoj źjaŭlajecca ruskaja impieratryca Kaciaryna II. Jaje atačajuć nievialikija statui — Ryhora Paciomkina, Płatona Zubava, Iosifa Dzierybasa i Franca de Vołana.
