Jaho pryznali vinavatym pavodle č. 2 art. 339 («Chulihanstva») i č. 2 art. 218 Kryminalnaha kodeksa («Naŭmysnaje źniščeńnie abo paškodžańnie čužoj majomaści») i asudzili da piaci hadoŭ pazbaŭleńnia voli ŭ kałonii ŭzmocnienaha režymu.
Pakolki raniej mužčynu ŭžo asudzili da 18 hadoŭ kałonii ŭzmocnienaha režymu, šlacham častkovaha składańnia pakarańniaŭ, kančatkova Dźmitryja Duboŭskaha asudzili da 20 hadoŭ pazbaŭleńnia voli ŭ kałonii ŭzmocnienaha režymu.
Padrabiaznaści sudovaha pracesu paviedamili praŭładnyja telehram-kanały. Praź ich stała viadoma, što ciapier Dźmitryja abvinavačvali pavodle padziej u Minsku i Salihorsku ŭ 2009 i 2010 hadach. Tady ŭ Minsku na terytoryju Minabarony zakinuli dymavuju šašku, paśla čaho na prajeznaj častcy adbyłasia akcyja, padčas jakoj skandavali łozunhi. Taksama Duboŭskaha abvinavačvajuć u tym, što jon zakinuŭ u akno apornaha punkta ŭ Salihorsku fakieł, raźbiŭ kavałkam tratuarnaj plitki škło ŭ Domie prafsajuzaŭ i pryniaŭ udzieł u padpale filijałaŭ banka ŭ Minsku. Taksama jaho abvinavačvajuć pavodle padziej u vieraśni 2010 hoda, kali byli padpalenyja dźviery KPP na Akreścina.
