Fota: Andreea Alexandru / AP Photo
«Usie vy bačyli spadarožnikavyja zdymki, na jakich Jeŭropa śviecicca, a va Ukrainie — ciemra», — skazaŭ Stołtenbierh žurnalistam napiaredadni sustrečy ministraŭ krain — siabraŭ NATA ŭ Buchareście, kamientujučy pieraboi z elektrazabieśpiačeńniem paśla rasijskich rakietnych udaraŭ.
«Pucin sprabuje vykarystoŭvać zimu jak zbroju», — zajaviŭ hienieralny sakratar NATA, adznačyŭšy, što na palach bitvaŭ rasijskija vojski cierpiać parazu.
Z tym, što Ukrainie spatrebicca nie tolki vajennaja dapamoha, zhodny i inšyja ŭdzielniki samitu.
«Heta budzie žudasnaja zima dla Ukrainy, tamu my pracujem nad uzmacnieńniem našaj padtrymki, kab jana była ŭstojlivaj», — skazaŭ Reuters vysokapastaŭleny jeŭrapiejski dypłamat.
Adnačasova krainy — čalcy NATA źbirajucca ŭzhadnić i pavieličeńnie pastavak zbroi va Ukrainu.
«Najbližejšyja miesiacy stanuć vialikim vyprabavańniem dla ŭsich nas. Dla Ukrainy heta ekzistencyjalnaje pytańnie, dla nas maralnaje. My pavinny praciahvać dapamahać Ukrainie stolki, kolki nieabchodna», — zajaviŭ ministr zamiežnych spraŭ Słavakii Raścisłaŭ Kačar.
