Si Czińpin. Fota: Jack Taylor / Pool Photo via AP, File
Palityčnaje rašeńnie kanfliktu va Ukrainie bolš za ŭsio adpaviadaje intaresam usich jeŭrapiejskich i azijackich krain, zajaviŭ kiraŭnik KNR Si Czińpin na pieramovach sa staršynioj Jeŭrarady Šarlem Mišelem, pieradaje Centralnaje telebačańnie Kitaja (CCTV).
Jon padkreśliŭ, što Kitaj pa hetym pytańni zajmaje pryncypovuju pazicyju, a ŭ krainie raspaŭsiudžanaja staraja prymaŭka «Pažar la haradskoj bramy nakliča biadu na rybu ŭ sažałcy».
Si Czińpin zaklikaŭ paźbiahać eskałacyi kryzisu, nastojvać na ŭstalavańni miru i sadziejničać pieramovam. Varta kantralavać pabočnyja efiekty ad kryzisu i prajavić pilnaść da ryzyki. Kiraŭnik KNR adznačyŭ, što Piekin padtrymlivaje Jeŭrasajuz u pavieličeńni jaho pasiarednictva, uznačalvajučy stvareńnie zbałansavanaj, efiektyŭnaj i ŭstojlivaj architektury jeŭrapiejskaj biaśpieki. Kitaj zaŭsiody stajaŭ na baku miru i pa-svojmu budzie praciahvać hrać kanstruktyŭnuju rolu, padkreśliŭ jon.
U Kitaja i Jeŭrasajuza niama pryncypovych stratehičnych roznahałośsiaŭ i kanfliktaŭ, Piekin nie imkniecca da hiehiemonii, zapeŭniŭ Si Czińpin. Jon vykazaŭ nadzieju, što jeŭrapiejskija krainy pieraadolejuć «ideałahičnuju kanfrantacyju» i buduć supraćstajać usim formam «novaj chałodnaj vajny».
