«Mitrapalit Kijeŭski i ŭsiaje Ukrainy pa pasadzie źjaŭlajecca śviaščenna-archimandrytam, heta značyć kananičnym i duchoŭnym kiraŭnikom Kijeŭskaj łaŭry. Taksama rašeńniem Sinoda Błaženny Mitrapalit Jepifanij pryznačany ŭznačalvać manastyr jak jurydyčnaja asoba», — dadaŭ jon.
Siońnia Uładzimir Zialenski svaim ukazam zabaraniŭ va Ukrainie dziejnaść relihijnych arhanizacyj, afilavanych z centrami ŭpłyvu ŭ Rasii. Pad dziejańnie ŭkaza, jak miarkujecca, patrapić i Ukrainskaja pravasłaŭnaja carkva Maskoŭskaha patryjarchatu.
Da niadaŭniaha času ŭsie chramy kompleksa Kijeva-Piačerskaj łaŭry kantralavalisia Maskoŭskim patryjarchatam.
Paśla, praŭda, ministr kultury Ukrainy Alaksandr Tkačenka ŭ efiry nacyjanalnaha telemarafona patłumačyŭ, što nasamreč pra źmienu ŭładalnika Łaŭry havorka pakul što nie idzie. Jon zajaviŭ, što rehistracyja Śviata-Uśpienskaj Kijeva-Piačerskaj Łaŭry ŭ jakaści manastyra PCU tyčycca manastyra, jaki i raniej znachodziŭsia ŭ karystańni PCU.
«Ciapier havorka nie idzie pra pieradaču Kijeva-Piačerskaj Łaŭry, havorka idzie pra rehistracyju jurydyčnaj asoby ŭ tym samym manastyry, carkvie, jakaja i da hetaha času znachodziłasia ŭ karystańni PCU. Jana znachodzicca na terytoryi vierchniaj łaŭry. Źmianiajecca prosta nazva i ŭdakładniajecca adras. Prosta tak supała, pakolki rehistracyja adbyvałasia na praciahu peŭnaha pieryjadu času, što hetaja infarmacyja źjaviłasia siońnia, zarehistravana ŭ Dziaržrejestry», — zajaviŭ jon.
U toj ža čas ministr adznačyŭ, što, zhodna z rašeńniem Rady nacyjanalnaj biaśpieki i abarony Ukrainy, urad maje dva miesiacy, kab «daśledavać, jakim čynam vykarystoŭvajecca dziaržaŭnaja majomaść u nižniaj łaŭry samoj UPC».
Čytajcie taksama:
Pry pieratrusach u Kijeva-Piačerskaj łaŭry znajšli prarasijskuju litaraturu, ludziej z pašpartami SSSR i 100 tysiač dalaraŭ
SBU abšukała jeparchiju UPC Maskoŭskaha patryjarchatu i śćviardžaje, što znajšła śviedčańni zdrady
Kiraŭnik UPC mitrapalit Anufryj zhadaŭ patryjarcha Kiryła jak kiraŭnik aŭtakiefalnaj Carkvy. Ale jość niuansy
Archijepiskap Jeŭstracij: Idei Pucina — heta nie zahadkavaść ruskaj dušy, nie varyjant normy, a absalutnaje zło — takoje ž, jakim niekali byŭ nacyzm
