Fota: AP/Jean-Francois Badias
Vystupajučy pierad delehatami štohadovaj kanfierencyi Jeŭrapiejskaha abaronnaha ahienctva ŭ čaćvier, Barel skazaŭ, što heta robić Jeŭropu ŭraźlivaj pierad «pahrozami vysokaha ŭzroŭniu».
Pavodle jaho słoŭ, zapasy zbroi, jakaja pastaŭlajecca krainami ES Ukrainie, vyčerpvajucca, pakolki jeŭrapiejski vajenna-pramysłovy kompleks hadami nie atrymlivaŭ naležnaha finansavańnia.
«Toje, što my nakiroŭvajem Ukrainie, my nie biarom sa składoŭ, a z našych vojskaŭ», — skazaŭ jon.
Jeŭrapiejskaje abaronnaje ahienctva było stvorana ŭ 2004 hodzie, hałoŭnym čynam dla vyrašeńnia zadač uzajemnaj padtrymki i ŭzmacnieńnia vajennaha supracoŭnictva ŭ Jeŭropie. U jaho ŭvachodziać usie krainy Jeŭrasajuza, za vyklučeńniem Danii.
U toj ža čas, situacyja chutka palapšajecca, skazaŭ Barel, jaki zajmaje taksama pasadu kiraŭnika abaronnaha ahienctva ES.
«U 2021 hodzie ŭsie krainy ES vydatkavali na abaronu 214 młrd jeŭra, što na 6% bolš, čym u 2020 hodzie», — paviedamiŭ jon.
Najbolšy rost vydatkaŭ na abaronu prademanstravali Hrecyja, Italija, Słavienija i Finlandyja. Pa słovach Barela, zajavy, jakija rabili jeŭrapiejskija ŭrady na fonie rasijskaj ahresii suprać Ukrainy, pakazvajuć, što rost abaronnych vydatkaŭ praciahniecca i ŭ nastupnyja hady.
